મોરબીના ખાનપર ગામે જુગારની રેડ પડતાં જુગારીઓમાં નાશભાગ: નવ પકડાયા, બે ભાગી છૂટ્યા
Morbi Today
મોરબીના ઘનશ્યામગઢ ગામનો બનાવ : પરિવારનું ધ્યાન રાખજો કરીને યુવાને વાડીએ દવા પી લેતા સારવારમાં
SHARE
JOIN OUR GROUP
મોરબીના ઘનશ્યામગઢ ગામનો બનાવ : પરિવારનું ધ્યાન રાખજો કરીને યુવાને વાડીએ દવા પી લેતા સારવારમાં
મોરબીના હળવદ તાલુકાના ઘનશ્યામગઢ ગામે વાડી વિસ્તારમાં યુવાને ઝેરી દવા પી લેતાં તેને સારવાર માટે મોરબી ખસેડાયો છે અને સૂત્રોમાંથી મળતી માહિતી મુજબ યુવાને પોતાના મોરબી રહેતા કૌટુંબીક ભાઈને 'મારા પરિવારનું ધ્યાન રાખજો' એમ કહીને ફોન કર્યા બાદ ઉપરોક્ત પગલું ભર્યુ હોવાનું જાણવા મળેલ છે.
મોરબી સીટી એ ડીવીઝન પોલીસ સૂત્રોમાંથી મળતી માહિતી મુજબ હળવદ તાલુકાના ઘનશ્યામગઢ ગામે રહેતા મહેશભાઈ અંબારામભાઈ સંઘાણી નામના ૪૬ વર્ષીય યુવાને વાડીએ જઈને ઝેરી દવા પી લીધી હતી.જેથી કરીને તેને સારવાર માટે અહીંની ક્રિષ્ના હોસ્પિટલે લાવવામાં આવ્યો હતો.બનાવની જાણ થતાં હાલમાં એ ડિવિઝન પોલીસ મથકના એમ.જી.વાળા તેમજ રાઇટર મિલનભાઈએ પ્રાથમિક તપાસ કરતા ખુલ્યુ હતું કે મહેશભાઈ સંઘાણીએ તેમના મોરબી રહેતા કોઈ કૌટુંબિક ભાઇને ફોન કરીને જણાવ્યું હતું કે "મારા ઘરનું ધ્યાન રાખજો" એમ કહીને પોતાની વાડીએ કોઈ અગમ્ય કારણોસર ઝેરી દવા પી લીધી હતી જેથી તેઓને હાલ બેભાન હાલતમાં અહીંની ક્રિષ્ના હોસ્પિટલે લાવવામાં આવેલા છે અને હાલ તેઓ બેભાન બોય બનાવનું કારણ સામે આવેલ નથી.બનાવ સંદર્ભે મોરબી પોલીસ દ્રારા હળવદ પોલીસને જાણ કરવા આગળની તજવીજ શરૂ કરવામાં આવેલ છે.
વાહન અકસ્માતમાં ઈજા
જામકંડોરણા પાસેના ખજૂરડા ગામના ગીતાબેન વિજયભાઈ હાંસલિયા (ઉમર ૪૪) અને ભવ્ય વિજયભાઈ હાંસલિયા (ઉમર ૧૧) ને ભાયાવદરથી ઉપલેટા જતા સમયે બાઇકનો બોલેરો કાર સાથે વાહન અકસ્માતનો બનાવ બનતા તેમાં ઇજાઓ થવાથી સારવાર માટે માટે મોરબી લાવવામાં આવ્યા હતા.જેને પગલે એ ડિવિઝન પોલીસ મથકના એચ.એમ.ચાવડાએ નોંધ કરીને આગળની તપાસ શરૂ કરી છે.જયારે હળવદના આંબેડકરનગર વિસ્તારમાં રહેતો દેવ હસમુખભાઈ પરમાર નામનો ૧૧ વર્ષીય બાળક બાઈકના પાછળના ભાગે બેસીને જતો હતો ત્યારે બાઇક સ્લીપ થઇ જતા ઇજાગ્રસ્ત દેવ પરમારને સારવાર માટે મોરબી લાવવામાં આવ્યો હતો.
