ટંકારા પડધરી બેઠકના કોંગ્રેસના ઉમેદવાર લલીતભાઈ કગથરા શક્તિ માતાજીના આશીર્વાદ લઈને ફોર્મ ભર્યુ
Morbi Today
ટંકારા પડધરી બેઠક ઉપર ભાજપના ઉમેદવાર દુર્લભજીભાઈ દેથરીયા વિજયના વિશ્વાસ સાથે ફોર્મ ભર્યું
SHARE
JOIN OUR GROUP
ટંકારા પડધરી બેઠક ઉપર ભાજપના ઉમેદવાર દુર્લભજીભાઈ દેથરીયા વિજયના વિશ્વાસ સાથે ફોર્મ ભર્યું
મોરબી જિલ્લાની ટંકારા પડધરી બેઠક ઉપર હાલમાં કોંગ્રેસનો કબજો છે ત્યારે આ બેઠકને કોંગ્રેસ પાસેથી કબજે કરવા માટે થઈને ભાજપ દ્વારા મોરબી જિલ્લા ભાજપના પ્રમુખ દુર્લભજીભાઇ દેથરીયાને આ બેઠક ઉપરથી ભાજપના ઉમેદવાર તરીકે ચૂંટણીના જંગમાં ઉતાર્યા છે ત્યારે આજે મોરબીના સનાળા રોડ ઉપર આવેલ માર્કેટીંગ યાર્ડ ખાતે ભાજપના સિનિયર આગેવાન અને સાંસદ મોહનભાઈ કુંડારીયા, મંત્રી બ્રિજેશભાઇ મેરજા, સહકારી આગેવાન મગનભાઈ વડાવીયા સહિતના આગેવાનોની હાજરીમાં તેઓ ફોર્મ ભરવા માટે રવાના થયા હતા અને મોરબી નજીકના સનાળા ગામે આવેલ શક્તિ માતાજીના મંદિરે માતાજીના દર્શન કરીને લોકોની સુખાકારીમાં વધારો થાય તે પ્રકારના કામ કરવા માટે માતાજી શક્તિ આપે તેવી પ્રાર્થના કરી હતી અને ત્યારબાદ દુર્લભજીભાઈ દેથરીયા સાથે વાત કરતા તેમને જણાવ્યું હતું કે કેન્દ્ર સરકાર અને રાજ્ય સરકાર દ્વારા લોકોની સુખાકારી માટે અનેકવિધ યોજનાઓ અમલમાં મૂકવામાં આવી છે જેનો લાભ લઈને લોકોને આરોગ્ય લક્ષી અને અન્ય સુવિધાઓ મળી રહી છે ત્યારે વિકાસની આ વણ થંભી યાત્રામાં મતદારો પણ જોડાશે અને આ ચૂંટણીમાં જંગી લીડ સાથે તેઓનો વિજય થશે તેવો વિશ્વાસ દુર્લજીભભાઈએ વ્યક્ત કર્યો હતો તો તેમની સાથે રહેલા સાંસદ મોહનભાઈ કુંડારીયા સાથે વાત કરતા તેમણે જણાવ્યું હતું કે તેમની લોકસભા બેઠકના મત વિસ્તારમાં આવતા તમામે તમામ વિધાનસભા બેઠકો ઉપર ભાજપનુ કમળ ખીલી ઉઠશે તેમાં શંકા ને કોઈ સ્થાન નથી.
