મોરબી નજીકથી મૃત હાલતમાં મળેલ યુવાનની ઓળખ મળી
SHARE
JOIN OUR GROUP
મોરબી નજીકથી મૃત હાલતમાં મળેલ યુવાનની ઓળખ મળી
મોરબીના ઘૂટું ગામની સીમ વિસ્તારમાં આવેલ રોલેક્સ સિરામિક નામના કારખાનાના ગેઇટ પાસેથી કોઈ કારણોસર મૃત્યુ પામેલ હાલતમાં અજાણ્યા યુવાનનો મૃતદેહ મળી આવ્યો હતો જેથી કરીને મોરબી તાલુકા પોલીસે બનાવની નોંધ કરીને મૃતકની ઓળખ મેળવવા માટે તજવીજ શરૂ કરી હતી હાલમાં મૃતક યુવાનની ઓળખ મળી ગયેલ છે જો કે, તેની હત્યા કરવામાં આવી છે કે કેમ તે દિશામાં પોલીસે આગળની તપાસ શરૂ કરી છે
જાણવા મળતી માહિતી મુજબ મોરબીના ઘૂટું ગામની સીમમાં આવેલ રોલેક્ષ સીરામીક કારખાના પાસે કોઈ અજાણ્યા ૨૫ વર્ષના યુવાનનો મૃતદેહ મળી આવ્યો હતો જેથી કરીને તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને મૃતક યુવાનની ઓળખ મેળવવા માટે ચક્રોગતિમાન કર્યા હતા તેવામાં મોરબી તાલુકા પોલીસ સ્ટેશનેથી મળતી માહિતી મુજબ મૃતક યુવાનની ઓળખ મળી ગયેલ છે અને તે યુવાન મૂળ મધ્યપ્રદેશના જાંબુઆ જિલ્લાના ભામલ ગામનો રહેવાસી દિનેશ બળધાભાઈ ભુરિયા (૨૮) વાળો હોવાનું સામે આવ્યું છે અને તે જુના ઘુંટુ રોડ ઉપર આવેલ સિરામિક ફેકટરીમાં કામ કરતો હોવાનું સામે આવ્યું છે જો કે, યુવાનની હત્યા કરવામાં આવી છે કે કેમ તેની તપાસ માટે વીસેરા લઈને આગળની કાર્યવાહી કરવામાં આવી છે
