મોરબીમાં યોજાનાર લાભાર્થી સંમેલનમાં લોકોને ઉમટી પડવા ધારાસભ્યનું આહવાન
Morbi Today
મોરબીમાં ઘરેથી બ્યુટી પાર્લરમાં જવાનું કહીને નીકળ્યા બાદ પરણીતા ગુમ, તપાસ શરૂ
SHARE
JOIN OUR GROUP
મોરબીમાં ઘરેથી બ્યુટી પાર્લરમાં જવાનું કહીને નીકળ્યા બાદ પરણીતા ગુમ, તપાસ શરૂ
મોરબીના સામાકાંઠે આવેલા ત્રાજપર ખારી વિસ્તારમાં રહેતી પરિણિતા ઘરેથી બ્યુટી પાર્લરમાં જાવ છું તેમ કહીને નીકળ્યા બાદ ગુમ થઈ ગયા હોય હાલ તે અંગે બી ડિવિઝન પોલીસમાં જાણ કરાતા પોલીસ દ્વારા નોંધ દાખલ કરીને ગુમ થયેલ પરિણિતાની શોધખોળ શરૂ કરવામાં આવેલ છે.
મોરબી સીટી બી ડિવિઝન પોલીસ સૂત્રોમાંથી મળતી માહિતી પ્રમાણે હાલમાં દિલીપભાઈ પ્રેમજીભાઈ સુરેલા કોળી (ઉમર ૨૬) રહે.મોરબી-૨ સામાકાંઠે ઘુંટુ રોડ ત્રાજપર ખારી સ્વાગત ચેમ્બર પાસે વાળાએ પોલીસ મથક ખાતે આવીને જાહેર કર્યું હતું કે, ગત તા.૨૫-૧ ના સાંજે સાતેક વાગ્યાના અરસામાં તેઓના પત્ની પૂજાબેન દિલીપભાઈ સુરેલા કોળી (ઉમર ૨૬) ઘરેથી "બ્યુટી પાર્લરમાં જવું છું" તેમ કહીને નીકળ્યા હતા અને બાદમાં ઘરે પરત આવેલ નથી.ઘરમેળે શોધખોળ તપાસ કરવા છતાં તેણીનો કોઈ પતો લાગ્યો ન હોય હાલ પોલીસમાં કરાયેલી જાણના પગલે બી ડિવિઝન પોલીસ મથક ખાતે ગુમસુધા નોંધ દાખલ કરવામાં આવેલી છે જેની આગળની તપાસ હેડ કોન્સ્ટેબલ જગદીશભાઈ ડાંગર અને લાલભા ચૌહાણ ચલાવી રહ્યા છે.
ગાયે હડફેટે લેતા સારવારમાં
મોરબીના સામાકાંઠે મહેન્દ્રનગર ગામે આવેલ ધાયડી વિસ્તારમાં રહેતા દિનેશભાઈ ભીમજીભાઈ ભોજવીયા કોળી નામના ૪૦ વર્ષના યુવાનને અકસ્માતમાં ઈજા થતાં સારવાર માટે દવાખાને લઈ જવાયો હતો.પોલીસ સૂત્રોના જણાવ્યા પ્રમાણે તા.૩-૨ ના સવારે નવેક વાગ્યાના અરસામાં દિનેશભાઈ ભોજવીયા મજૂરી કામે જવા માટે સાયકલ લઈને નીકળ્યા હતા ત્યારે મહેન્દ્રનગર ગામે આવેલા હનુમંત એપાર્ટમેન્ટની પાસેની શેરીમાં અચાનક ગાય આડી ઉતરી હતી અને ગાયે સાયકલને ઢીક મારતા સર્જાયેલ અકસ્માતમાં તેઓને ઇજા થતા સારવારમાં ખસેડાયા હતા.જે બાબતે બી ડિવિઝન પોલીસ મથકના જે.જે.ડાંગર તપાસ ચલાવી રહ્યા છે.
ફિનાઇલ પી લેતા પરિણિતા સારવારમાં
મોરબીના સામાકાંઠે સોઓરડી વિસ્તારમાં આવેલ રામાપીરના મંદિર પાસે રહેતા સાઈનાબેન સાહિલભાઈ ઇબ્રાહીમભાઇ શેખ નામની ૧૮ વર્ષીય યુવતી તેના ઘરે કોઈ કારણોસર ફીનાઇલ પી ગઈ હતી જેથી કરીને તેણીને સારવાર માટે સરકારી હોસ્પિટલે લાવવામાં આવી હતી.બાદમાં પોલીસે તપાસ કરતા સામે આવ્યુ હતુ કે પતિનો મોબાઇલ હાથમાંથી નીચે પડી જતા પતિ દ્વારા ઠપકો દેવામાં આવ્યો હતો જે બાબતનું મનમાં લાગી આવતા તેણીએ આ પગલું ભર્યું હતું.તેમ બી ડિવિઝન પોલીસ સૂત્રોએ જણાવેલ છે.
