મોરબી જિલ્લા કક્ષાના ખેલ મહાકુંભમાં સજનપર શાળાના ખેલાડીઓનું શાનદાર પ્રદર્શન
Morbi Today
મોરબીમાંથી ચોરી કરવામાં આવેલ ચોરાઉ બાઇક સાથે આરોપીની ધરપકડ
SHARE
JOIN OUR GROUP
મોરબીમાંથી ચોરી કરવામાં આવેલ ચોરાઉ બાઇક સાથે આરોપીની ધરપકડ
મોરબીની પંચાસર ચોકડી પાસેથી બાઈકની ચોરી કરવામાં હતી જે ચોરીની ઘટનાની મોરબી એ ડિવિઝન પોલીસ સ્ટેશન ખાતે ફરિયાદ નોધાઈ હતી જેના આધારે પોલીસે આરોપીને પકડવા માટે તજવીજ શરૂ કરી હતી અને હાલમાં આ ગુનામાં ચોરાઉ બાઇક સાથે આરોપીની ધરપકડ કરેલ છે
મોરબી તાલુકાના કેશવનગર ગામે રહેતા મૂળ બનાસકાંઠા જિલ્લાના રહેવાસી પ્રવીણભાઈ કરસનભાઈ બ્રાહ્મણ (૪૧)એ અજાણ્યા શખ્સની સામે ચોરીની મોરબી એ ડિવિઝન પોલીસ સ્ટેશન ખાતે ફરિયાદ નોંધાવી હતી જેમાં જણાવ્યું હતું કે, મોરબીની પંચાસર ચોકડી પાસે તેણે પોતાનું બાઈક નંબર જીજે ૮ સીએલ ૩૩૯૫ પાર્ક કરીને મૂક્યું હતું જે ૫૦,૦૦૦ રૂપિયાની કિંમતના બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને પોલીસે આરોપીને પકડવા માટે તજવીજ શરૂ કરી હતી અને હાલમાં મોરબી શહેરમા લગાવેલ નેત્રમ સી.સી.ટીવી. કેમેરા તેમજ હયુમન સોર્સીસથી બાતમીદારો આધારે એએસઆઇ રાજદીપસિંહ રાણા, હિતેષભાઇ ચાવડા તથા તેજાભાઇ ગરચરએ બાતમી આધારે ચોરીમા ગયેલ મોટર સાયકલ સાથે આરોપીની ધરપકડ કરેલ છે અને મોરબીના પંચાસર રોડ ઉપરથી આરોપી બાઇક લઈને નીકળ્યો હતો અને ત્યારે તેની પાસે જરૂરી કાગળ માંગ્યા હતા જે તેની પાસે હતા નહીં જેથી કરીને પોકેટ કોપથી સર્ચ કરતા બાઇક ચોરીનું હોવાનું સામે આવ્યું હતું જેથી કરીને પોલીસે આરોપી મહમદઅયાન અલ્તાફભાઈ ઈમાની જાતે આરબ રહે.વાવડી રોડ બાવનશા પીરની દરગાહ પાસે ગણેશનગરની બાજુમા મોરબી મુળ રહે. માળીયા (મી)આરબ શેરી વાળાની ધરપકડ કરેલ છે અને આરોપી પાસેથી ચોરાઉ બાઇકને કબજે કર્યું છે આ કામગીરી પીઆઇ એચ.એ. જાડેજાની સૂચના મુજબ સ્ટાફ દ્વારા કરવામાં આવી હતી
