હળવદના ખોડ ગામે તળાવના કાંઠેથી દારૂની ૩૫ બોટલ મળી, બુટલેગરની શોધખોળ

હળવદ તાલુકાના ખોડ ગામે ગ્રામ પંચાયત સામે આવેલ મંદિરની પાછળના ભાગમાં તળાવના કાંઠે દારૂની રેડ કરવામાં આવી હતી ત્યારે સ્થળ ઉપરથી દારૂની ૩૫ બોટલો મળી આવતા પોલીસે ૧૪,૦૦૦ રૂપિયાની કિંમતનો માલ કબજે કર્યો છે અને બુટલેગર હાજર ન હોવાથી તેની સામે ગુનો નોંધી તેને પકડવા માટે પોલીસ દ્વારા તજવીજ શરૂ કરવામાં આવી છે

બનાવની જાણવા મળતી માહિતી મુજબ હળવદ તાલુકાના ખોડ ગામે ગ્રામ પંચાયત સામે આવેલ મંદિરની પાછળના ભાગમાં આવેલા તળાવ પાસે બાવળની જાળીમાં દારૂનો જથ્થો હોવા અંગેની હકીકત મળી હતી જેથી પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની ૩૫ બોટલો મળી આવતા પોલીસે ૧૪,૦૦૦ રૂપિયાની કિંમતની દારૂની બોટલો કબજે કરી હતી અને આ માલ હરેશપરી સાગરપરી બાવાજી રહે. ખોડ તાલુકો હળવદ વાળાનો હોવાનું સામે આવતા પોલીસે તેની સામે ગુનો નોંધી આરોપીને પકડવા માટે તજવીજ શરૂ કરેલ છે