હળવદના ખોડ ગામે બુટલેગરના ઘરમાંથી ૮ બોટલ દારૂ પકડાયો, આરોપીની શોધખોળ

હળવદ તાલુકાના ખોડ ગામે રહેતા બુતલેગરના ઘરે દારૂની રેડ કરી હતી ત્યારે બુટલેગર ઘરે હાજર ન હતો જો કે, ઘરમાંથી પોલીસે દારૂની આઠ બોટલો કબજે કરી હતી હતી જેથી કરીને પોલીસે ૩૨૦૦ ની કિંમતનો દારૂનો માલ કબજે કર્યો છે અને આરોપીને પકડવા માટે ચકોગતિમાન કરેલ છે

જાણવા મળતી માહિતી પ્રમાણે ગઈકાલે હળવદ તાલુકાના ખોડ ગામે ગ્રામ પંચાયતની સામે આવેલ મંદિરની પાછળના ભાગમાં બાવળની જાળીમાં પોલીસ દ્વારા દારૂની રેડ કરવામાં આવી હતી ત્યારે સ્થળ ઉપરથી દારૂની ૩૫ બોટલો મળી આવી હતી જે માલ ગામમાં રહેતા હરેશપરી સાગરપરી બાવાજીનો હોવાનું સામે આવ્યું હતું જેથી કરીને જ હળવદ તાલુકા પોલીસ સ્ટેશન ખાતે તેની સામે ગુનો નોંધી પોલીસે તેને પકડવા માટે તજવીજ શરૂ કરી હતી દરમિયાન ગઈકાલે બપોરે ૪:૩૦ વાગ્યાના અરસામાં આરોપીના ઘરે પોલીસ દ્વારા તેને પકડવા માટે તપાસ કરવામાં આવી હતી ત્યારે સ્થળ ઉપર આરોપી હાજર ન હતો જોકે તેના ઘરની તલાસી લેવામાં આવતા ઘરમાંથી દારૂની વધુ આઠ બોટલો મળી આવતા પોલીસે ૩૨૦૦ રૂપિયાની કિંમતની દારૂની બોટલો કબજે કરી હતી અને આરોપી હરેશપરી સાગરપરી બાવાજી રહે. ખોડ તાલુકો હળવદ વાળાની સામે વધુ એક ગુનો નોંધીને તેને પકડવા માટે તજવીજ શરૂ કરવામાં આવી છે