હળવદમાં ઘરમાંથી દારૂની ૧૮ બોટલ સાથે બે શખ્સની ધરપકડ, મોરબીના બુટલેગરને પકડવા તજવીજ
Morbi Today
ટંકારાના ગજડી ગામે વાડીની ઓરડીમાં દારૂની નાની ૨૫૨ બોટલ-૨૪ બીયર સાથે એક શખ્સની ધરપકડ
SHARE
JOIN OUR GROUP
ટંકારાના ગજડી ગામે વાડીની ઓરડીમાં દારૂની નાની ૨૫૨ બોટલ-૨૪ બીયર સાથે એક શખ્સની ધરપકડ
ટંકારા તાલુકાના ગજડી ગામે વાડીની ઓરડીમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની નાની ૨૫૨ બોટલો તથા ૨૪ બિયરના ટીન મળી આવ્યા હતા જેથી કરીને પોલીસે કુલ મળીને ૨૭,૬૦૦ ની કિંમતનો દારૂનો જથ્થો કબજે કર્યો હતો અને આરોપીની ધરપકડ કરી આગળની રાબેતા મુજબની કાર્યવાહી હાથ ધરી હતી
બનાવની જાણવા મળતી માહિતી મુજબ ટંકારા તાલુકાના ગજડી ગામે રહેતા નીતિનભાઈ ડાંગરની વાડીએ દારૂનો જથ્થો હોવાની ચોક્કસ હકીકત સ્થાનિક પોલીસને મળી હતી જેના આધારે પોલીસે ત્યાં દારૂની રેડ કરી હતી ત્યારે ગજડી ગામની સીમમાં આવેલ નીતિનભાઈ ડાંગરની વાડીની ઓરડીમાંથી દારૂની જુદી જુદી બ્રાન્ડની નાની કુલ મળીને ૨૫૨ બોટલો મળી આવી હતી તેમજ બિયરના ૨૪ ટીન મળ્યા હતા જેથી કરીને પોલીસે ૨૭,૬૦૦ ની કિંમતનો દારૂ અને બિયરનો જથ્થો કબજે કર્યો હતો અને આરોપી નીતિનભાઈ વરજાંગભાઈ ડાંગર જાતે બોરીચા (૩૦) રહે. ગજડી તાલુકો ટંકારા વાળાની ધરપકડ કરેલ છે અને તેની સામે ટંકારા તાલુકા પોલીસ સ્ટેશન ખાતે ગુનો નોધી પોલીસે આગળની કાર્યવાહી હાથ ધરી છે અને આ શખ્સની પાસેથી મળી આવેલ દારૂ બિયરનો જથ્થો તે કોની પાસેથી લાવ્યો હતો અને કોને આપવાનો હતો તે દિશામાં પોલીસે આગળની તપાસ શરૂ કરી છે
વૃદ્ધ સારવારમાં
મોરબીની મોચી શેરીમાં રહેતા ડાયાભાઈ પ્રેમજીભાઈ ઝાલા (૭૦) નામના વૃદ્ધ મોરબીમાં પાડાપુલ નજીક આવેલ શંકર આશ્રમ પાસેથી જતા હતા ત્યારે વાહન અકસ્માતના બનાવમાં તેમને ઈજા થઈ હતી જેથી કરીને ઇજા પામેલ વૃદ્ધને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની વધુ તપાસ વિપુલભાઈ પટેલ ચલાવી રહ્યા છે
