મોરબીના પીપળી નજીક જેટકોના સ્ટાફ કવાર્ટર પાસેથી બે બાઈકની ચોરી
SHARE
JOIN OUR GROUP
મોરબીના પીપળી નજીક જેટકોના સ્ટાફ કવાર્ટર પાસેથી બે બાઈકની ચોરી
મોરબીના જેતપર રોડ ઉપર પીપળી ગામની સીમમાં આવેલ જેટકોના સબ સ્ટેશનમાં કામ કરતા અને ત્યાં સ્ટાફ કવાર્ટરમાં રહેતા બે કર્મચારીએ પોતાના ક્વાર્ટર પાસે તેના બાઇક પાર્ક કરીને મૂક્યા હતા જે બે બાઈકની એક સાથે ચોરી કરવામાં આવેલ છે જેથી ભોગ બનેલા જેટકોના કર્મચારી દ્વારા મોરબી તાલુકા પોલીસ સ્ટેશન ખાતે બાઈક ચોરીની ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મૂળ અરવલ્લી જિલ્લાના કદવાળા ગામના રહેવાથી અને હાલમાં મોરબી તાલુકાના સબ સ્ટેશન ખાતે ફરજ બજાવતા અને ત્યાં સ્ટાફ કવાર્ટરમાં રહેતા નિલેશકુમાર કનુભાઈ ડામોર જાતે આદિવાસી (૨૩)એ હાલમાં મોરબી તાલુકા પોલીસ સ્ટેશન ખાતે અજાણ્યા શખ્સની સામે બાઇક ચોરીની ફરિયાદ નોંધાવેલ છે જેમાં તેને જણાવ્યું છે કે, તેનું બાઈક નંબર જીજે ૩૧ એ ૪૦૦૩ જેની કિંમત એક લાખ રૂપિયા તેમજ જીગ્નેશભાઈ ખરાડીનું બાઇક નંબર જીજે ૩૧ કે ૫૪૫૮ જેની કિંમત ૩૦ હજાર રૂપિયા આ બંને બાઇકને બંને વ્યક્તિઓએ પોતાના સ્ટાફ કવાર્ટર પાસે પાર્ક કર્યા હતા દરમિયાન ગત તા. ૧/૪/૨૪ ના રોજ રાત્રિના બે થી પાંચ વાગ્યાના સમયગાળા દરમિયાન આ બંને બાઈકની ચોરી કરવામાં આવેલ છે જેથી ભોગ બનેલા નિલેશભાઈની ફરિયાદ લઈને પોલીસે અજાણ્ય શખ્સની સામે ચોરીનો ગુનો નોંધી આરોપીને પકડવા માટે ચક્રો ગતિમાન કર્યા છે
