મોરબી નજીક યુવાનને છરીના ઘા ઝીકિને કરીને રોકડ-મોબાઈલની લૂંટ: ત્રણ શખ્સોની સામે ફરિયાદ
SHARE
JOIN OUR GROUP
મોરબી નજીક યુવાનને છરીના ઘા ઝીકિને કરીને રોકડ-મોબાઈલની લૂંટ: ત્રણ શખ્સોની સામે ફરિયાદ
મોરબી નજીક આવેલ સીરામીક કારખાને કામ પૂરું કરીને યુવાને તેના મિત્ર સાથે ચાલીને મિત્રન રૂમ ઉપર જઇ રહ્યો હતો ત્યારે તેઓની પાછળ આવી રહેલા બે શખ્સોએ યુવાન અને તેના મિત્રની સાથે ઝપાઝપી કરી હતી અને ગાળો આપી હતી અને યુવાનને છાતી અને પડખાના ભાગે શરીરના બે ઘા ઝીકિ દીધા હતા અને યુવાન પાસેથી મોબાઇલ ફોન અને રોકડા રૂપિયાની લૂંટ કરવામાં આવી હતી અને ત્યાર બાદ બાઇક લઈને આવેલ શખ્સનાં બાઈકમાં લૂંટારુઓ બેસીને ભાગી ગયા હતા. જેથી ઇજા પામેલા યુવાનને સારવાર માટે હોસ્પિટલે લઈ ગયા હતા અને હાલમાં ભોગ બનેલા યુવાને મોરબી બી ડિવિઝન પોલીસ સ્ટેશન ખાતે નોંધાવેલ ફરિયાદ આધારે પોલીસે ત્રણ શખ્સોની સામે લૂંટ સહિતની કલમ હેઠળ ગુનો નોંધીને આરોપીઓને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મૂળ ઉત્તરપ્રદેશના રહેવાસી અને હાલમાં મોરબીમાં ઇન્દિરાનગરની પાછળના ભાગમાં આવેલ સનવર્ડ સિરામિક કારખાનાની ઓરડીમાં રહેતો અને ત્યાં મજૂરી કામ કરતો ગૌતમભાઈ હરિશ્ચંદ્ર વર્મા જાતે પટેલ (26) નામનો યુવાન તેના મિત્ર સાથે પોતાના કારખાનેથી કામ પૂરું કરીને પોતાના મિત્રના રૂમ ઉપર પગપાળા ચાલીને જઈ રહ્યો હતો ત્યારે તેની પાછળ આવી રહેલા બે શખ્સો દ્વારા તેને ગાળો આપીને તેઓની સાથે ઝપાઝપી કરવામાં આવી હતી અને ત્યારબાદ તેની પાસે રહેલ રેડમી કંપનીનો 5000 રૂપિયાની કિંમતનો મોબાઇલ ફોન તથા રોકડા 500 રૂપિયાની લૂંટ કરવામાં આવી હતી અને ત્યારે અજાણ્યા શખ્સ દ્વારા ગૌતમભાઈ વર્માને છાતી અને પડખાના ભાગ છરીના ઘા મારવામાં આવ્યા હતા જેથી ઇજા પામેલ યુવાનને સારવાર માટે હોસ્પિટલે લઇ ગયા હતા અને સારવાર લીધા બાદ ગૌતમભાઈ વર્માએ નોંધાવેલ ફરિયાદ આધારે મોરબી બી ડિવિઝન પોલીસ સ્ટેશન ખાતે હાલમાં અજાણ્યા ત્રણ શખ્સોની સામે લૂંટ સહિતની કલમ હેઠળ ગુનો નોંધીને પોલીસે આરોપીઓને પકડવા માટે તજવીજ શરૂ કરી છે
મારા મારીમાં ઇજા
મોરબીના મહેન્દ્રનગર રોડ ઉપર આવેલ કુળદેવી પાન પાસે રહેતા કિશોરભાઈ મહેશભાઈ દેલવાણીયા જાતે દેવીપુજક (28) નામના યુવાનને તેઓના ઘર પાસે થયેલ મારામારીના બનાવમાં ઈજા થવાથી ઇજાગ્રસ્ત હાલતમાં 108 મારફતે સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતાં બનાવની પ્રાથમિક તપાસ હિતેશભાઈ મકવાણા દ્વારા કરવામાં આવી હતી.
