હળવદમાં એક, મોરબીમાં પોણો અને ટંકારામાં અડધો ઇંચ વરસાદ: નવા ઇશાનપુર ગામે ઘર ઉપર વીજળી પડી, ઇલેક્ટ્રિક ઉપકરણો બળીને ખાખ

મોરબી જિલ્લાના પાંચ પૈકીનાં ત્રણ તાલુકામાં આજે વરસાદ નોંધાયેલ છે અને ધીમીધારે અડધાથી લઈને એક ઇંચ જેટલો વરસાદ પડ્યો છે ત્યારે હળવદ તાલુકાના નવા ઇશાનપુર ગામે આકાશી વીજળી પડી હતી જેથી કરીને ઘરના ઇલેક્ટ્રિક ઉપકરણો બળીને ખાખ ગયા હતા.

ગઇકાલની જેમ આજે પણ બપોરથી વરસાદ શરૂ થયો હતો અને મોરબી જિલ્લાના પાંચ પૈકીનાં ત્રણ તાલુકામાં આજે વરસાદ નોંધાયેલ છે જેમાં હળવદમાં એક ઇંચ, મોરબીમાં પોણો ઇંચ અને ટંકારામાં અડધો ઇંચ વરસાદ પડ્યો છે જો કે, માળીયા અને વાંકાનેર તાલુકામાં વરસાદી માહોલ હતો તેમ છતાં વરસાદ પડ્યો ન હતો અને કેટલાક વિસ્તારમાં છૂટો છવાયો વરસાદ હતો. અને ધીમીધારે આકાશમાંથી કાચું સોનું વરસ્યું હતું જેથી કોઈ જગ્યાએ નુકશાનીના સમાચાર ન હતા

પરંતુ  મોરબી જિલ્લાના હળવદ તાલુકાનાં નવા ઈસનપુર ગામે ટપુભાઈ પ્રેમજીભાઇના રહેણાંક મકાન ઉપર વીજળી પડી હતી જેથી કરીને તેઓના ઘરના ઇલેક્ટ્રિક ઉપકરણો બળીને ખાખ થઈ ગયા હતા જો કે, ઘરના સભ્યો ઘરમાં જ હોવા છતાં સદભાગ્યે કોઈ જાનહાની થયેલ નથી અને મોરબી જિલ્લાના ત્રણ તાલુકામાં બે થી છ વાગ્યા સુધીમાં અડધાથી એક ઇંચ જેટલો વરસાદ પડ્યો છે જેથી કરીને હાલમાં વાતાવરણમાં ઠંડક પ્રસરી ગયેલ છે.