વાંકાનેર તાલુકાની વીડી જાંબુડીયા, રાજગઢ અને સમથેરવાની શાળામાં પ્રવેશોત્સવ યોજાયો
ટંકારાના વીરવાવ ગામે વાડીએ સાપ કરડી જતાં બાળકી રાજકોટ સારવારમાં
SHARE
![News Image](https://morbitoday.com/assets/blog/1719634502.jpg)
![](https://morbitoday.com/assets/images/advertisement/1720201521.jpg)
![](https://morbitoday.com/assets/images/advertisement/1717352591.jpg)
![](https://morbitoday.com/assets/images/advertisement/1720201388.jpg)
![](https://morbitoday.com/assets/images/advertisement/1719501595.jpg)
ટંકારાના વીરવાવ ગામે વાડીએ સાપ કરડી જતાં બાળકી રાજકોટ સારવારમાં
ટંકારા તાલુકાના વીરવાવ ગામે વાડીએ રહેતા અને મજૂરી કામ કરતા યુવાનની સાત વર્ષની દીકરીને સાપ કરડી જતા તેને સારવાર માટે પ્રથમ ટંકારા ત્યાંથી મોરબી અને વધુ સારવાર માટે રાજકોટ લઈ જવામાં આવેલ છે અને આ બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી પ્રમાણે ટંકારા તાલુકાના વીરવાવ ગામની સીમમાં આવેલ વાડીએ રહેતા અને મજૂરી કામ કરતા હિતેશભાઈ ભીલની સાત વર્ષની દીકરી પાયલને વાડીએ હતી ત્યારે સાપ કરડી જતા તેને સારવાર માટે પ્રથમ ટંકારા સરકારી હોસ્પિટલ ખાતે લઈને આવ્યા હતા ત્યાંથી વધુ સારવાર માટે મોરબીની સિવિલ હોસ્પિટલ ખાતે લાવ્યા હતા અને હાલમાં તે બાળકીને સારવાર માટે રાજકોટની સરકારી હોસ્પિટલે લઈ જવામાં આવેલ છે જોકે, આ બનાવની પ્રથમ મોરબી સીટી એ ડિવિઝન પોલીસને જાણ કરવામાં આવતા મોરબી એ ડિવિઝન પોલીસ સ્ટેશનના વિપુલભાઈ પટેલ દ્વારા પ્રાથમિક તપાસ કરવામાં આવી હતી અને ત્યારબાદ આ બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
શોર્ટ લગતા સારવારમાં
મોરબીના લીલાપર રોડ ઉપર સ્મશાન નજીક રહેતા રાજેશ વિનુભાઈ વસુનીયા (15) નામના બાળકને મોરબીના રવાપર રોડ ઉપર આવેલ એવન્યુ સોસાયટી નજીક ઈલેક્ટ્રીક વાયરમાંથી શોર્ટ લાગ્યો હતો જેથી કરીને તેને સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે એ ડિવિઝન પોલીસેને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને બનાવની પ્રાથમિક તપાસ હરેશભાઈ ચાવડા દ્વારા કરવામાં આવેલ છે
મારા મારીમાં ઇજા
મોરબીના ત્રાજપર ખારી વિસ્તારમાં મારામારીનો બનાવ બન્યો હતો જે બનાવમાં મોરબીમાં સર્કિટ હાઉસ સામે આવેલ વિદ્યુત નગર નજીક મફતિયાપરા વિસ્તારમાં રહેતા દશરથભાઈ ભુપતભાઈ વિકાણી (30) નામના યુવાનને ઇજા થવાથી ઇજાગ્રસ્તને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી કરી હતી અને આ બનાવની પ્રાથમિક તપાસ હિતેશભાઈ મકવાણા દ્વારા કરવામાં આવેલ છે
![](https://morbitoday.com/assets/images/advertisement/1719242284.jpg)