મોરબીમાં પાણી પુરવઠા બોર્ડના હેડ વર્કસમાંથી 80 કિલો પાઇપના ભંગારની રોજમદાર કર્મચારી કરી ચોરી !

મોરબી નજીકના નજરબાગ પાસે પાણી પુરવઠા બોર્ડના હેડ વર્કસ (સ્ટોર્સ) આવેલ છે ત્યાં રોજમદાર તરીકે કામ કરતાં કર્મચારી દ્વારા 80 કિલો લોખંડના પાઇપના ભંગારની ચોરી કરવામાં આવી છે જેથી હાલમાં પાણી પુરવઠા બોર્ડના અધિકારી દ્વારા મોરબી બી ડિવિઝન પોલીસ સ્ટેશન ખાતે રોજમદાર કર્મચારીની સામે ચોરીની ફરિયાદ નોંધાવવામાં આવેલ છે.

બનાવની જાણવા મળતી માહિતી મુજબ મોરબી શહેરમાં કાયાજી પ્લોટ વિસ્તારમાં સૃષ્ટિ એપાર્ટમેન્ટ ફ્લેટ નં- 401 માં રહેતા અને પાણી પુરવઠા બોર્ડમાં ફરજ બજાવતા ક્ષિતિજભાઈ દેવનારાયણભાઈ વર્મા જાતે બ્રાહ્મણ (34)એ હાલમાં મોરબી બી ડિવિઝન પોલીસ સ્ટેશન ખાતે પાણી પુરવઠા બોર્ડના હેડ વર્કસ (સ્ટોર્સ)માં રોજમદાર તરીકે ફરજ બજાવતા અશોકભાઈ રામજીભાઈ ભોરણીયા રહે. નાની વાવડી વાળાની સામે ચોરીની ફરિયાદ નોંધાવેલ છે. જેમાં તેને જણાવ્યુ હકતે કે, મોરબીમાં નજરબાગ પાસે આવેલ પાણી પુરવઠા બોર્ડના હેડ વર્કસ ખાતે રાખવામાં આવેલ વધારાના લોખંડના પાઇપના ટુકડામાંથી 80 કિલો જેટલો પાઈપનો ભંગાર જેની કિંમત રૂપિયા 2,000 થાય છે તે બોલેરો ગાડી નંબર જીજે 36 પી 0793 માં ભરીને આરોપી લઈ ગયો હતો જેથી હાલમાં પાણી પુરવઠા બોર્ડના અધિકારીએ નોંધાવેલ ફરિયાદ આધારે પોલીસે ગુનો નોંધીને પાણી પુરવઠા બોર્ડના હેડ વર્કસમાંથી ચોરી કરનારા આરોપીને પકડવા માટે તજવીજ શરૂ કરી છે

બાઇક સ્લીપ

મોરબીમાં હાઉસિંગ બોર્ડની પાછળના ભાગમાં આવેલ નિત્યાનંદ સોસાયટીમાં રહેતા સુરેશભાઈ બચુભાઈ રાઠોડ (62) નામના વૃદ્ધ પોતે પોતાના ઘરેથી બાઈકમાં જતા હતા ત્યારે ઘર નજીક સોસાયટીમાં કોઈ કારણોસર બાઈક સ્લીપ થતા અકસ્માત થયો હતો જેમાં તેને ઈજા થયેલ હતી જેથી કરીને તેને સારવાર માટે તેને મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરી હતી