ટંકારાની ગાયત્રીનગર શાળામાં સંકલ્પ હબ ફોર એમ્પાવરમેન્ટ ઓફ વિમેન દ્વારા કાર્યક્રમ યોજાયો

ટંકારા તાલુકાની ગાયત્રીનગર પ્રા. શાળામાં સંકલ્પ હબ ફોર એમ્પાવરમેન્ટ ઓફ વિમેનના જેન્ડર સ્પેશિયાલિસ્ટ રશ્મિબેન વિરમગામા દ્વારા લિંગ સંવેદનશીલતા સપ્તાહ અંતર્ગત શાળા પરિવારના શિક્ષકોને બાળક જ્યારે સ્કૂલમાં પ્રવેશ મેળવે ત્યારથી શાળામાં અભ્યાસ પૂર્ણ કરી શાળા છોડે ત્યાં સુધીના સમય દરમિયાન શરીરમાં થતા શારીરિક ફેરફારો તથા બાળકોને લિંગ સંવેદનશીલ વિશે અભ્યાસની સાથે સમજાવવા પહેલ કરી હતી તથા બાળકના જીવનમાં શિક્ષકનો સિંહફાળો હોય છે તે માટે શાળાની દીકરીઓ કે એમની માતાઓને કોઈ યોજનાકીય, ઘરેલુ હિંસા કે જાતિય સતામણી જેવા પ્રશ્નો ધ્યાને આવે તો સંકલ્પ હબ ફોર એમ્પાવરમેન્ટ ઓફ વિમેન,મહિલા અને બાળ વિકાસ વિભાગ મોરબીની મુલાકાત લેવા જણાવવામાં આવ્યું હતું તથા આ વાત સાંભળી સૌ શાળા પરિવારના શિક્ષકો સહમતી જતાવી હતી. ટંકારાની કુમારશાળા તથા કન્યા શાળાના આચાર્યઓ પણ હાજર રહેલ હતા અને આચાર્ય રસિક ભાગ્યા દ્વારા જેન્ડર સ્પેશિયાલિસ્ટનો આભાર વ્યક્ત કરેલ હતો.