મોરબીના વિરાટનગર પાસે કારખાનામાં ઇલેક્ટ્રીક શોર્ટ લગતા યુવાનનું મોત
Morbi Today
મોરબીમાં અગાઉની માથાકૂટનો ખાર રાખીને ત્રણ વ્યક્તિને માર મરનારા પાંચ શખ્સોની ધરપકડ: અન્યની શોધખોળ
SHARE
JOIN OUR GROUP
મોરબીમાં અગાઉની માથાકૂટનો ખાર રાખીને ત્રણ વ્યક્તિને માર મરનારા પાંચ શખ્સોની ધરપકડ: અન્યની શોધખોળ
મોરબીના વાવડી રોડ ઉપર યુવાનને અગાઉ થયેલ માથાકૂટનો ખાર રાખીને ફટાકડાના સ્ટોર ઉપર ભેગા થયેલા આરોપીએ ગાળો આપીને ઝપાઝપી કરી હતી ત્યારબાદ અન્ય ચાર શખ્સો ત્યાં આવ્યા હતા અને પાંચ શખ્સોએ ફરિયાદી યુવાન તથા સાહેદ સાથે જપાજપી કરવામાં આવી હતી અને બાદમાં ફોન કરીને વાતચીત કરવા માટે યુવાનને બોલાવવામાં આવ્યો હતો અને ત્યારે કારીયા સોસાયટી પાસે પાંચ શખ્સોએ પથ્થરનો છૂટો ઘા કરીને તેમજ ધોકા વડે માર માર્યો હતો અને જાનથી મારી નાખવાની ધમકી આપી હતી જેથી ભોગ બનેલા યુવાને મોરબી એ ડિવિજન પોલીસ સ્ટેશન ખાતે કુલ મળીને 10 શખ્સોની સામે ફરિયાદ નોંધાવેલ હતી જેના આધારે પોલીસે હાલમાં આ ગુનામાં પાંચ આરોપીઓની ધરપકડ કરીને આગળની કાર્યવાહી કરેલ છે.
મોરબીના વાવડી રોડે ગાયત્રીનગરમાં રહેતા જયરાજભાઇ લાલજીભાઈ અવાડીયા (20) એ થોડા દિવસો પહેલા જીગ્નેશ નકુમ, જયેશ ઉર્ફે જયલો ભરવાડ, વિક્રમ ભરવાડ, યશ ભરવાડ અને રાહુલ ડાભી રહે બધા મોરબી તથા અજાણ્યા પાંચ શખ્સો આમ કુલ મળીને 10 શખ્સોની સામે ફરિયાદ નોંધાવેલ હતી કે, ફરિયાદીને અગાઉ જીગ્નેશ નકુમ સાથે માથાકૂટ થયેલ હતી જે બાબતનો ખાર રાખીને ફરિયાદી તથા સાહેદ જયકિશન આરઆર મોલ પાસે આવેલ ફટાકડાના સ્ટોરમાં ફટાકડા લેવા માટે ગયા હતા ત્યાં આરોપી જીગ્નેશ નકુમે તેને ગાળો આપી હતી અને ઝપાઝપી કરી હતી ત્યારબાદ જીગ્નેશ નકુમે ફોન કરીને જયેશ, વિક્રમ, યસ અને રાહુલને બોલાવ્યા હતા અને ત્યાં ફરિયાદી તથા સાહેદ સાથે ઝપાઝપી કરીને માથાકૂટ કરી હતી ત્યારબાદ ફરિયાદી તથા સાહેદ ત્યાંથી જતા રહ્યા હોય જીગ્નેશ નકુમે ફોન કરીને વાતચીત કરવા માટે બોલાવતા ફરિયાદી તથા સાહેદ વાવડી રોડ ઉપર આવેલ કારીયા સોસાયટીના નાકા પાસે ઉભા રહ્યા હતા.
ત્યાં તમામ આરોપીઓ આવ્યા હતા અને જયેશ ભરવાડે પથ્થરનો છૂટો ઘા કરીને જયકિશનને માથામાં કપાળના ભાગે ઇજા કરી હતી તેમજ અન્ય આરોપીઓએ લાકડાના ધોકા વડે ફરિયાદી તથા સાહેદને માર માર્યો હતો અને જાનથી મારી નાખવાની ધમકી આપી હતી જેથી કરીને ફરિયાદી તથા જયકિશન અને અંકિત ને ઇજાઓ થઇ હોવાથી સારવારમાં ખસેડવામાં આવ્યા હતા અને આ બાબતે નોંધાવેલ ફરિયાદ આધારે પોલીસે આરોપીઓને પકડવા માટે તજવીજ શરૂ કરી હતી અને આ બનાવની તપાસ કરી રહેલા પી.એસ.આઇ. સી.એમ.કરકર અને તેની ટીમે હાલમાં આરોપી રમેશ ઉર્ફે જીગ્નેશ જગદીશભાઇ નકુમ (26) રહે. વાવડી રોડ શ્રદ્ધા પાર્ક મોરબી, જયેશ ઉર્ફે જયલો ગાંડુંભાઈ ડાભી (28) રહે. આનંદ નગર મોરબી, વિક્રમ ગાંડુંભાઈ ડાભી (28) રહે. આનંદ નગર મોરબી, યશ હીરાભાઈ ખીંટ (22) રહે. કારીયા સોસાયટી મોરબી અને રવિ ઉર્ફે રાહુલ દેવભાઈ ડાભી (19) રહે માધાપર મોરબી વાળાની ધરપકડ કરેલ છે અને બાકીના આરોપીઓને પકડવા માટે તજવીજ ચાલી રહી છે.
