મોરબીમાં એસપી રોડ પાસે ક્રિકેટ સટ્ટો રમતા એક પકડાયો, એકની શોધખોળ: લીલપર રોડે જુગાર રમતા બે શખ્સ પકડાયા

મોરબીના રવાપર ગામ પાસે આવેલ એસપી રોડ ઉપર ક્રિકેટ સટ્ટાની અને લીલાપર રોડે તીનપત્તિના જુગારની જુદીજુદી બે રેડ કરવામાં આવી હતી ત્યારે પોલીસે કુલ મળીને ત્રણ આરોપીને પકડ્યા છે અને એક આરોપીનું નામ સામે આવ્યું હોવાથી પોલીસે તેને પકડવા માટે તજવીજ શરૂ કરેલ છે.

જાણવા મળતી માહિતી મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે રવાપર ગામ પાસે આવેલ એસપી રોડના નાકા પાસે આઈપીએલની ક્રિકેટ મેચ ઉપર સટ્ટો રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે ક્રિકેટ મેચના રનફેરનો જુગાર રમતા હોવાનું સામે આવ્યું હતું જેથી પોલીસે સ્થળ ઉપરથી 2,000 રૂપિયા રોકડા અને 5,000 રૂપિયાની કિંમતનો મોબાઇલ આમ કુલ મળીને 7000 રૂપિયાની કિંમતના મુદ્દામાલ સાથે નરેશભાઈ સવજીભાઈ વીડજા (57) રહે. એસપી રોડ કસ્તુરી ગ્રીન સોસાયટી બી-2 એપાર્ટમેન્ટ ફ્લેટ નં- 402 મોરબી વાળાની ધરપકડ કરી હતી અને તેની પાસેથી ઇમરાનભાઈ રહે. મોરબી વાળાનું નામ સામે આવ્યું હોય હાલમાં મોરબી એ ડિવિઝન પોલીસ સ્ટેશન ખાતે બંને સામે ગુનો નોંધી બીજા આરોપીને પકડવા માટે પોલીસે તજવીજ શરૂ કરેલ છે

આવી જ રીતે મોરબીના લીલાપર રોડે આવેલ હોથી પીરની દરગાહ પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી આશિફભાઈ ગફારભાઈ મોવર (22) રહે. ભવાની સોડા વાળી શેરી મોરબી અને ફિરોજભાઈ ઉસ્માનભાઈ સાઇચા (27) રહે. શિવ સોસાયટી કાલિકા પ્લોટ મોરબી વાળા જુગાર રમતા મળી આવ્યા હતા જેથી કરીને પોલીસે તેની પાસેથી 4,100 ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધાયો છે