ટંકારામાં તાલુકા કક્ષાની હર ઘર તિરંગા યાત્રામાં ધારાસભ્ય પણ હાજર રહ્યા

સમગ્ર દેશ અને રાજ્યની સાથે મોરબી જિલ્લામાં પણ હર ઘર તિરંગા અભિયાનની રંગે ચંગે ઉજવણી કરવામાં આવી રહી છે. તેના ભાગરૂપે ટંકારા ખાતે તાલુકા કક્ષાની તિરંગા યાત્રાનું આયોજન કરવામાં આવ્યું હતું જેમાં ટંકારાના ધારાસભ્ય દુર્લભજીભાઇ દેથરીયા પણ હાજર રહ્યા હતા. દેશના શહીદોને શ્રદ્ધાંજલિ આપવા તેમજ તિરંગાનું સન્માન કરી તિરંગા પ્રત્યે લોકોમાં જાગૃતિ અને વધુ અહોભાવ ઉત્પન્ન કરવાના હેતુથી શરૂ કરવામાં આવેલ હર ઘર તિરંગા યાત્રામાં મોરબી જિલ્લો પણ રંગે ચંગે સહભાગી બન્યો છે. ત્યારે તારીખ ૧૨ ઓગસ્ટ ના રોજ સવારે ટંકારા ખાતે તિરંગા યાત્રાનું આયોજન કરવામાં આવ્યું હતું. આ તિરંગા યાત્રામાં ધારાસભ્ય ઉપરાંત પ્રભુભાઈ કામરિયા, કિરીટભાઇ અંદરપા, અશોકભાઇ ચાવડા, દિનેશભાઇ સહિતના સ્થાનિક આગેવાનો અને મોટી સ્ંખ્યામા વિવિધ શાળાના બાળકો જોડાયા હતા.