મોરબીના શનાળા રોડે યુવાનને કચડી નાખનાર ટ્રાવેલ્સ બસના ચાલક સામે ગુનો નોંધાયો
Morbi Today
ટંકારાના ઓટાળા ગામે અગાઉ કરેલ કેસ પાછો ખેંચી લેવાનું કહીને યુવાનને મારી નાખવાની ધમકી
SHARE
JOIN OUR GROUP
ટંકારાના ઓટાળા ગામે અગાઉ કરેલ કેસ પાછો ખેંચી લેવાનું કહીને યુવાનને મારી નાખવાની ધમકી
ટંકારા તાલુકાના ઓટાળા ગામમાં રહેતા યુવાનના ભાઈને અગાઉ થયેલ ઝઘડા બાબતે ફરિયાદ નોંધાવી હતી જે કેસ પાછો ખેંચી લેવાનું કહીને આરોપીના મિત્રએ યુવાન સાથે બોલાચાલી કરી હતી અને કેસ પાછો ખેંચી લેજે નહીંતર જાનથી મારી નાખીશ તેમજ એટ્રોસિટીના કેસમાં ફસાવી કરાવી દઇશ તેવી ધમકી આપી હતી જેથી હાલમાં ભોગ બનેલા યુવાન દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
જાણવા મળતી માહિતી પ્રમાણે ટંકારા તાલુકાના ઓટાળા ગામે રહેતા અલ્પેશભાઈ ગોરધનભાઈ ઘોડાસરા (38)એ હાલમાં સુરેશભાઈ નથુભાઈ પરમાર રહે. ઓટાળા વાળાની સામે ફરિયાદ નોંધાવી છે જેમાં તેને જણાવ્યું છે કે, ફરિયાદીના કૌટુંબિક ભાઈએ અગાઉ રોહિત નાનજીભાઈ ફાંગલીયા સાથે ઝઘડો થયેલ હોય અને તેની સામે કેસ કરેલ છે. જે બાબતે આરોપીએ ખાર રાખીને રોહિત ફાંગલિયા તેનો મિત્ર હોય ફરિયાદી યુવાનને કેસ પાછો ખેંચી લેજે નહીંતર જાનથી મારી નાખીશ અને એટ્રોસિટીમાં ફસાવી દઈશ તેવી ધમકી આપવામાં આવી હતી તેમજ સાહેદ પાર્થના ફોનમાં પણ ફરિયાદી યુવાનને ભૂંડા બોલી ગાળો આપીને મારી નાખવાની ધમકી આપી હતી જેથી કરીને ભોગ બનેલા યુવાન દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે.
