મોરબીના આંદરણા ગામના ખેડૂતો-ગ્રામજનો ભાજપના ધારાસભ્યની નીતિરીતિથી નારાજ: સરપંચ સાહિત 200 જેટલા યુવાનોએ ભાજપ સાથે છેડો ફાડી આપનો ખેસ ધારણ કર્યો

મોરબી જિલ્લામાં આમ આદમી પાર્ટીના આગેવાનો દ્વારા ગરમી વિસ્તારોમા પ્રવાસ કરવામાં આવી રહ્યો છે તેવામાં આંદરણા ગામે આમ આદમી પાર્ટીની સભા યોજાઇ હતી જેમાં ખેડૂતો સહિતના ગામના લોકો હાજર રહ્યા હતા અને ત્યારે ભાજપના ધારાસભ્યની નીતિરીતિથી નારાજ થઈને ગામના સરપંચ અને ઉપસરપંચ સહિત 200 જેટલા ગામના યુવાનોએ ભાજપ સાથે છેડો ફાડીને આમ આદમી પાર્ટીમાં પ્રવેશ મેળવ્યો છે.

મોરબી તાલુકાના આંદરણા ગામે આમ આદમી પાર્ટીના જિલ્લા પ્રમુખ તથા પ્રદેશના આગેવાનની હાજરીમાં ખેડૂતોને ગ્રામજનો સાથે સભાનું આયોજન કરવામાં આવ્યું હતું અને તેમાં ગામના ખેડૂતો સહિતના લોકો મોટી સંખ્યામાં જોડાયા હતા. આ તકે આંદરણા ગામના સરપંચ નિતેશભાઇ ચાવડા તેમજ ઉપસરપંચ અનિલભાઈ મારવાણીયાની આગેવાની હેઠળ ગામના 200 જેટલા યુવાનોએ ભાજપ સાથે છેડો ફાડીને આમ આદમી પાર્ટીનો ખેસ ધારણ કર્યો હતો ખાસ કરીને આ બેઠકમાં આમ આદમી પાર્ટી ગુજરાત પ્રદેશના આગેવાન કે.ડી.બાવરવા, મોરબી જિલ્લાના પ્રમુખ મહાદેવભાઇ પટેલ સહિતના આગેવાનો હાજર રહ્યા હતા. આ તકે ગામના આગેવાને ગામના લોકોને કેનાલની જમીન માટે કપાત, રોડ રસ્તા, ગામનું તળાવ ભરવા સહિતના જે પ્રશ્નો છે તેને ઉલેકવા માટે ભાજપના ધારાસભ્યને અનેક વખત રજૂઆત કરવામાં આવેલ છે પરંતુ આજ દિવસ સુધી તેઓના એક પણ કામને કરવામાં આવ્યું નથી. જેથી ભાજપના ભાજપના ધારાસભ્ય અને આગેવાનોની નીતિરીતિથી નારાજ થઈને ગામના સરપંચ સાહિત 200 જેટલા યુવાનોએ ભાજપ સાથે છેડો ફાડીને આમ આદમી પાર્ટીનો ખેસ ધારણ કર્યો છે