વાંકાનેરના હસનપર નજીક ટ્રેક્ટર ચાલકે બાઈકને હડફેટે લેતા ગંભીર ઇજા થવાથી યુવાનનું મોત

વાંકાનેરના હસનપર ગામની સીમમાં આવેલ કારખાના પાસેથી યુવાન પોતાનું બાઈક લઈને ઘર તરફ જઈ રહ્યો હતો દરમિયાન ટ્રેક્ટરનો ઓવરટેક કરવા જતા સમયે ટ્રેક્ટર ચાલાકે બાઈક સહિત યુવાને હડફેટે લેતા યુવાનને શરીર ગંભીર ઇજાઓ થઈ હતી અને તે યુવાનનું મોત નીપજયું હતું આ બનાવ સંદર્ભે હાલમાં મૃતક યુવાનના પત્નીએ નોંધાયેલ ફરિયાદ આધારે પોલીસે ટ્રેક્ટર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

વાંકાનેરમાં હસનપર શક્તિપરા શક્તિ માતાજીના મંદિર પાસે રહેતા ચંપાબેન કાંતિલાલ બાબરીયા (45)એ ટ્રેક્ટર નંબર જીજે 3 ઇએ 4363 ના ચાલક સામે ફરિયાદ નોંધાવેલ છે જેમાં જણાવ્યુ છે કે, હાસનપર ગામની સીમમાં આવેલ શ્રીજી કારખાના પાસેથી તેઓના પતિ કાંતિલાલ પ્રેમજીભાઈ બાબરીયા (47) બાઈક નંબર જીજે 3 બીએસ 9079 લઈને પસાર થઈ રહ્યા હતા અને ઘર બાજુ આવી રહ્યા હતા ત્યારે રસ્તામાં ટ્રેક્ટરનો ઓવરટેક કરવા જતા સમયે ટ્રેક્ટર ચાલકે તેના બાઇકને હડફેટે લીધું હતું જેથી અકસ્માતનો બનાવ બન્યો હતો અને તે બનાવમાં ફરિયાદીના પતિને શરીરે ગંભીર ઇજાઓ તે હોવાના કારણે તેનું મોત નીપજ્યું હતું જે બનાવ સંદર્ભે હાલમાં મહિલાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

300 લિટર આથો ઝડપાયો

હળવદ તાલુકાના જુના દેવડીયા ગામે મોતીનગર પાછળ તળાવની પાળ નજીક દેશી દારૂની રેડ કરવામાં આવી હતી ત્યારે ત્યાં સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતા 300 લીટર આથો મળી આવ્યો હતો જેથી 7500 રૂપિયાની કિંમતનો મુદ્દામાલ કબજે કર્યો હતો અને રેડ કરવામાં આવી હતી ત્યારે આરોપી હાજર ન હોય હાલમાં રસિક ભીખાભાઈ કોળી રહે. જુના દેવડીયા તાલુકો હળવદ વાળા સામે હળવદ તાલુકા પોલીસ સ્ટેશન ખાતે ગુનો નોંધી પોલીસ આગળની કાર્યવાહી હાથ ધરી છે.