વાંકાનેરના ચિત્રાખડા ગામે ખનીજ માફિયા ઉપર ધોંસ: 45 લાખની મશીનરી કબ્જે

વાંકાનેર તાલુકામાં ખનીજ માફિયાઓની સામે સઘન કાર્યવાહી પોલીસ દ્વારા કરવામાં આવી રહી છે તેવામાં છેલ્લા દિવસોમાં ત્રીજી રેડ પોલીસે કરી છે અને લાખો રૂપિયાનો મુદામાલ કબ્જે કરવામાં આવેલ છે જેની ચિત્રાખડા ગામ પાસે આવેલ શીતળા માતાજી મંદિર નજીક રેડ કરી હતી ત્યારે સ્થળ ઉપર ગેરકાયદે ખનીજ ખનન કરવામાં આવતું હોવાનું સામે આવ્યું હતું જેથી પોલીસે મશીનરી સહિત 45 લાખનો મુદામાલ કબ્જે કર્યો છે.

વાંકાનેર તાલુકા પોલીસની ટીમ પેટ્રોલીંગમાં હતી ત્યારે ચિત્રાખડા ગામે શીતળા માતજી મંદિરની પાસે ગેરકાયદેસર ખનીજ ખનન કરવામાં આવતું હોવાની બાતમી મળી હતી જેથી ત્યાં રેડ કરી હતી ત્યારે પોલીસ દ્વારા ખાણ ખનીજ વિભાગની ટીમને પણ સાથે રાખવામા આવી હતી. અને સ્થળ ઉપરથી હિટાચી કંપનીનું એક એક્સેવેટર મશીન જેની કીમત 45 લાખ રૂપિયાનો મુદમાલ કબ્જે કરવામાં આવેલ છે અને આગળની કાર્યવાહી હાથ ધરી છે.