મોરબીના રોહીદાસપરામાં થયેલ માર મારીના ગુનામાં વધુ ત્રણ આરોપીઓની ધરપકડ
Morbi Today
મોરબીમાં યુવાન સાથે વાત કરતી બહેનને ભાઈએ ઠપકો આપતા યુવતીએ કર્યો આપઘાત
SHARE
JOIN OUR GROUP
મોરબીમાં યુવાન સાથે વાત કરતી બહેનને ભાઈએ ઠપકો આપતા યુવતીએ કર્યો આપઘાત
મોરબીના જેતપર રોડ ઉપર આવેલ વિરાટ નગર પાસે કારખાનામાં મજૂરી કામ કરતી યુવતી કોઈ યુવાન સાથે રાત્રે વાત કરતી હતી તે બાબતે તેના ભાઈએ તેને ઠપકો આપ્યો હતો જેથી કરીને લાગી આવતા યુવતીએ ઓરડીની અંદર ગળાફાંસો ખાઇને આપઘાત કરી લીધો હતો જેથી તેના મૃતદેહને પીએમ માટે મોરબીની સિવિલ હોસ્પિટલ ખાતે ખસેડવામાં આવ્યો હતો અને આપઘાતના બનાવની મોરબી તાલુકા પોલીસને જાણ કરવામાં આવતાં પોલીસે બનાવની નોંધ કરી આગળની તપાસ શરૂ કરી હતી.
બનાવની જાણવા મળતી વિગત પ્રમાણે મોરબીના જેતપર રોડ ઉપર વિરાટનગર ગામ પાસે આવેલ ઇનટાઇલ્સ નામના કારખાનાની અંદર ઓરડીમાં રહીને ત્યાં કારખાનામાં મજૂરી કામ કરતાં દીવાનભાઈ ચંદુભાઈના બહેન મંજુબેન ચંદુભાઈ વસુનિયા (ઉમર ૧૭) એ પોતાની ઓરડીની અંદર ગળાફાંસો ખાઇને આપઘાત કરી લીધો હતો જેથી યુવતીના મૃતદેહને પીએમ માટે મોરબીની સિવિલ હોસ્પિટલ ખાતે ખસેડવામાં આવ્યો હતો અને આપઘાતના આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી.હાલમાં આપઘાતના બનાવની તપાસ કરતાં એએસઆઇ એમ.આર.ગામેતી સાથે વાત કરતા તેમણે જણાવ્યું હતું કે મૃતક મંજુબેન કોઈ યુવાનની સાથે વાત કરતા હતા તે બાબતે તેના ભાઈએ તેણીને ઠપકો આપ્યો હતો જેથી કરીને લાગી આવતા યુવતીએ ગળાફાંસો ખાઇને આપઘાત કરી લીધેલ છે.
વૃદ્ધા સારવારમાં
વાંકાનેર તાલુકાના રાજાવડલા ગામે રહેતા હલુબેન ઇબ્રાહીમભાઇ મરડિયા નામના ૭૦ વર્ષીય વૃદ્ધા રિક્ષામાં બેસીને જતા હતા ત્યારે ગામના બસ સ્ટેશન પાસે રીક્ષાની સાથે ભેંસ અથડાતા થયેલા વાહન અકસ્માતના બનાવમાં ઇજાગ્રસ્ત હલુબેન ઇબ્રાહીમભાઇને સારવાર માટે અહીંની ક્રિષ્ના હોસ્પિટલે લાવવામાં આવ્યા હતા.જ્યારે મોરબી નજીકના નાની વાવડી ગામ પાસેના કબીર આશ્રમ નજીક રહેતા બચુબેન નાગદાનભાઈ કુંભરવાડિયા નામના ૫૭ વર્ષીય મહિલા બાઈકમાં બેસીને બહાર જતા હતા તે દરમિયાન ઘર નજીક તેઓ બાઇકમાંથી નીચે પડી જતાં ઇજાગ્રસ્ત બચુબેન કુંભરવાડીયાને સારવાર માટે મોરબી લાવવામાં આવ્યા હતા.
