મોરબીમાં હોમલોનના હપ્તા ભરવા વ્યાજખોરના ચક્રમાં ફસાયેલ ટ્રેડિંગના ધંધાર્થીને જાનથી મારી નાખવાની ધમકી
Morbi Today
ટંકારામાં પિતાની જમીન માપવા માટે ગયેલ યુવાન ઉપર ત્રણ શખ્સોએ કર્યો હુમલો
SHARE
JOIN OUR GROUP
ટંકારામાં પિતાની જમીન માપવા માટે ગયેલ યુવાન ઉપર ત્રણ શખ્સોએ કર્યો હુમલો
ટંકારાના જુના હડમતીયા રોડ ઉપર આવેલ પિતાની જમીન માપવા માટે ગયેલ યુવાન ઉપર ત્રણ શખ્સોએ હુમલો કર્યો હતો અને જેમ ફાવે તેમ ગાળો આપીને ઢીકા પાટુ અને લાકડી વડે માર માર્યો હતો તેમજ જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા ટંકારા તાલુકા પોલીસ સ્ટેશન ખાતે ત્રણ શખ્સોની સામે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ ટંકારામાં ત્રણ હાટડી શેરીમાં રહેતા મહેન્દ્રભાઈ ભગવાનજીભાઈ દુબરીયા જાતે પટેલ (૪૨)એ શશીકાંતભાઈ રામજીભાઈ દુબરીયા, હિતેશભાઈ રામજીભાઈ દુબરીયા અને વાસુદેવભાઈ અશોકભાઈ દુબરીયા રહે. ત્રણેય ટંકારા વાળાની સામે ફરિયાદ નોંધાવેલ છે જેમાં તેને જણાવ્યું છે કે, તે પોતાના પિતાજીના નામની જમીનને માપવા માટે થઈને ગયા હતા ત્યારે ત્રણેય આરોપીઓએ ત્યાં આવીને જેમ ફાવે તેમ તેને ગાળો આપી હતી અને ત્યારે હિતેશભાઈ અને વાસુદેવભાઈએ ઢીકાપાટુનો માર માર્યો હતો અને શશિકાંતભાઈએ લાકડી વડે માથામાં માર માર્યો હતો અને આરોપીઓએ યુવાનને જાનથી મારી નાખવાની ધમકી આપી હતી જેથી કરીને યુવાને સારવાર લીધા બાદ હાલમાં ટંકારા તાલુકા પોલીસ સ્ટેશન ખાતે ત્રણેય શખ્સોની સામે ફરિયાદ નોંધાવતા પોલીસે ગુનો નોંધીને આરોપીઓને પકડવા માટે તજવીજ શરૂ કરી છે
