ટંકારાના લજાઇ ગામે વાડીએ સાપે દંશ મારતા સારવારમાં ખસેડાયેલા યુવાનનું મોત

ટંકારા તાલુકાના લજાઇ ગામે લજાઈ ચોકડી પાસે આવેલ વાડીમાં મજૂરી કામ દરમિયાન મજુર યુવાનને સાપે દંશ માર્યો હતો જેથી તેને સારવાર માટે મોરબી બાદ રાજકોટ ખસેડવામાં આવ્યો હતો જોકે સારવાર કારગત ન નિવડતા મજૂરનું મોત નીપજયું છે આ બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી વિગત પ્રમાણે ટંકારા તાલુકાના લજાઇ ગામે લક્ષ્મણભાઇની વાડીએ રહેતા અને મજૂરી કામ કરતાં મુકેશભાઈ મંગાભાઈ ભીલ (૪૫) ને તારીખ ૨૭/૯ ના રોજ સાડા ત્રણ વાગ્યાના અરસામાં કામગીરી દરમિયાન સાપે દંશ દીધો હતો જેથી કરીને તેને ઝેરી અસર થઇ હતી માટે તેને પ્રથમ મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે સારવારમાં લાવ્યા હતા અને ત્યાથી વધુ સારવાર માટે રાજકોટ સિવિલ હોસ્પિટલ ખાતે ખસેડવામાં આવ્યો હતો જોકે સારવાર દરમિયાન મુકેશભાઈ મંગાભાઈ ભીલનું મોત નીપજયું હતું માટે આ બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી છે

“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”