વાવાઝોડાની અસર: નવલખી પોર્ટ ઉપર હજુ પણ અંધકાર !, વીજ કંપનીને ૧૦ કરોડનું નુકશાન
Morbi Today
હળવદના શિવપુર ગામે વૃદ્ધા એસિડ પી જતાં સારવારમાં
SHARE
JOIN OUR GROUP
હળવદના શિવપુર ગામે વૃદ્ધા એસિડ પી જતાં સારવારમાં
હળવદ તાલુકાના શિવપુર ગામે રહેતા વૃદ્ધા કોઈ કારણોસર એસિડ પી ગયા હતા જેથી કરીને તેને તાત્કાલિક સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી હતી
જાણવા મળતી માહિતી મુજબ હળવદ તાલુકાના શિવપુર ગામે રહેતા સમરથબેન ગંગારામભાઈ બારૈયા (૬૫) નામની મહિલા ઘરે હતા ત્યારે કોઈ કારણોસર તે એસિડ પી ગયા હતા જેથી કરીને તેને તાત્કાલિક સારવાર માટે મોરબીની મંગલમ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ હોસ્પિટલ મારફતે આ બનાવ અંગેની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ મોરબી સીટી એ ડિવિઝન પોલીસ સ્ટેશનના એચ.એમ. ચાવડા ચલાવી રહ્યા છે જો કે, બનાવ હળવદ તાલુકા પોલીસની હદનો હોવાથી તેને જાણ કરવામાં આવશે અને વૃદ્ધાએ કયા કારણોસર એસીડ પીધું હતું તે દિશામાં હવે પોલીસ તપાસ કરશે
અકસ્માતે પડી જતાં ઇજા
મોરબી વાંકાનેર હાઇવે ઉપર આવેલ કુબેર ટોકીઝ પાછળ શોભેશ્વર રોડ ઉપર રહેતા ટપુભાઈ અમરશીભાઈ ગેડાણી (૩૦) નામનો યુવાન ત્યાં ઘર પાસે પડી જતા તેને ઈજા થઈ હતી જેથી કરીને ઇજાગ્રસ્ત હાલતમાં તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશનના જે.જે. ડાંગર ચલાવી રહ્યા છે
ઝેરી દવા પીધી
મોરબીના લાયન્સનગર વિસ્તારમાં રહેતા સુરેશભાઈ ઝીણાભાઈ વાણીયા (૩૫) નામના યુવાને કોઈ અકળ કારણોસર ઝેરી દવા પી લીધી હતી જેથી તેને તાત્કાલિક સારવાર માટે મોરબી શહેરમાં આવેલ આયુષ હોસ્પિટલ ખાતે લઈને આવ્યા હતા અને ત્યાં તેને સારવાર આપવામાં આવ્યા બાદ આ બનાવ અંગેની મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ બી ડિવિઝન પોલીસ સ્ટેશનના વી.ડી. મેતા ચલાવી રહ્યા છે
