મોરબીના કાલિકા પ્લોટમાં ત્રણ વ્યક્તિને હોકી વડે માર મારનારા બે સગા ભાઈની ધરપકડ
Morbi Today
ટંકારાના નેકનામ ગામે પાણી ભરવા બાબતે યુવાને જ્ઞાતિ પ્રત્યે હડધૂત કરનાર આરોપીની ધરપકડ
SHARE
JOIN OUR GROUP
ટંકારાના નેકનામ ગામે પાણી ભરવા બાબતે યુવાને જ્ઞાતિ પ્રત્યે હડધૂત કરનાર આરોપીની ધરપકડ
ટંકારા તાલુકાના નેકનામ ગામના ગ્રામ પંચાયત પાસે આવેલ આરો પ્લાન્ટમાં પાણી ભરવા માટે ગયેલા યુવાનને આ સુવર્ણોનું પાણીનું પરબ છે તમારે અહીંયા પાણી ભરવા આવું નહીં તેવું કહીને જ્ઞાતિ પ્રત્યે હડધૂત કર્યો હતો અને જપાજપી કરીને માર માર્યો હતો જેથી યુવાને ટંકારા તાલુકા પોલીસ સ્ટેશન ખાતે મારા મારી, લૂંટ અને એટ્રોસિટીની ફરિયાદ નોંધાવી હતી જેના આધારે પોલીસે આરોપીની ધરપકડ કરીને તેને કોર્ટમાં રજૂ કરીને જેલ હવાલે કરેલ છે
જાણવા મળતી માહિતી મુજબ ટંકારાના નેકનામ ગામે રહેતા પરેશભાઈ ખેંગારભાઈ ચાવડા જાતે અનુ. જાતી (૪૦)એ ટંકારા તાલુકા પોલીસ સ્ટેશન ખાતે છત્રપાલસિંહ ઉર્ફે સત્તો ઇન્દુભા ઝાલા રહે, નેકનામ વાળાની સામે ફરિયાદ નોંધાવી હતી કે, તેનો દીકરો મેહુલ નેકનામ ગામે આવેલ પાણીના પરબે આરો પ્લાન્ટનું પાણી ભરવા માટે થઈને ગયો હતો ત્યારે આરોપીએ ત્યાં આવીને ફરિયાદીના દીકરા મેહુલને વાળ પકડીને દિવાલ સાથે માથું ભટકાડીને માર મારીને ઇજા કરી હતી ત્યારે ફરિયાદી પોતાના દીકરા મેહુલને કેરબા સાયકલમાં રખાવા જતાં આરોપી તેના દીકરાને માર મારતો હોય તે તેને છોડવા માટે તેને વચ્ચે પડીને તમે મારા દીકરાને શા માટે મારો છો તેવું પૂછતા આરોપીએ કહ્યું હતું કે, “આ સુવર્ણનું પાણીનું પરબ છે તમારે અહીં પાણી ભરવા આવું નહીં” તેવું કહી જ્ઞાતિ પ્રત્યે હધડૂત કરી ફરિયાદી સાથે ઝપાઝપી કરીને તેના ખિસ્સામાં રહેલ રોકડા ૧૨૦૦ ની લૂંટ કરી નાસી ગયેલ છે જેથી યુવાને નોંધાવેલ ફરિયાદ આધારે પોલીસે આઈપીસી કલમ ૩૨૩, ૫૦૪, ૩૯૨ અને એટ્રોસિટીની જુદીજુદી કલમો હેઠળ ગુનો નોંધી આરોપીને પકડવા માટે તજવીજ શરૂ કરેલ હતી અને હાલમાં આરોપી છત્રપાલસિંહ ઉર્ફે સત્તો ઇન્દુભા ઝાલા (૨૩) રહે, નેકનામ વાળાની ધરપકડ કરેલ છે અને આરોપીને કોર્ટમાં રજૂ કરીને હાલમાં જેલ હવાલે કરેલ છે
અકસ્માતમાં ઇજા
મોરબીના નવલખી રોડ ઉપર આવેલ મોટા દહીસરા ગામ પાસેથી બાઈક પસાર થઈ રહયું હતું ત્યારે તે બાઈકમાં બેઠેલ મોરબીના બોડકી ગામે રહેતો રોહિત મનસુખભાઈ લાલવાણી (૧૫) નામનો બાળક નીચે પટકાયો હતો જેથી કરીને ઇજા થવાથી બાળકને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવ માળીયા તાલુકા પોલીસની હદનો હોવાથી ત્યાં આ બનાવની જાણ કરવા માટે કવાયત કરેલ છે
