મોરબીમાં જમીનનો સોદો રદ્દ થતાં ગુમ થયેલ જમીન મકાનના ધંધાર્થી હેમખેમ મળ્યા

મોરબીના બાયપાસ રોડે આવેલ આંનદનગરમાં રહેતા જમીન મકાનના ધંધાર્થી આધેડે જમીન માટે સગા વ્હાલા પાસેથી રૂપિયા લીધા હતા જો કે, જમીનનો સોદો રદ્દ થતાં તેની પાસે રૂપિયાની ઉઘરાણી કરવામાં આવતી હતી જેથી કરીને તે ગુમ થઈ ગયા હતા જે વડોદરા ખાતેથી હેમખેમ મળી આવેલ છે

મોરબીમાં બાયપાસ રોડે આવેલ આંનદનગરમાં રહેતા અને જમીન મકાનની લેવેચનું કામ કરતાં અશોકભાઈ કરશનભાઇ ભટ્ટી ગત તા. ૨૩ થી ગુમ થયા હતા જેથી પરિવારજનો તેને શોધી રહયા હતા અને પોલીસને પણ જાણ કરવામાં આવી હતી જેની ગુમસુદા નોંધ કરીને તેને શોધવા માટેની કવાયત કરવામાં આવી હતી. તે આધેડ હેમખેમ મળી આવ્યા હોવાથી પોલીસ અને પરિવારજનોએ રાહતનો શ્વાસ લીધો છે. વધુમાં મળતી માહિતી મુજબ અશોકભાઈ જમીન મકાન લેવેચનું કામ કરતાં હતા અને તેને જમીન લેવા માટે ૩૨ લાખ લીધા હતા અને ત્યાર બાદ તે જમીનનો સોદો રદ્દ થયેલ હતો અને સગા સંબંધીએ રૂપિયાની માંગણી કરતાં તે રૂપિયા આપી શકે તેમ ન હતા જેથી કરીને તે ચાલ્યા હતા અને તે અહીથી વડોદરા તેના મિત્ર પાસે જતાં રહ્યા હતા