ટંકારા તાલુકાના હડમતીયા ગામ પાસે એલીટ સ્કૂલ જિલ્લા યુવા ભાજપ દ્વારા “નમો રાસ” યોજાયો

મોરબી જિલ્લાના ટંકારા તાલુકાના હડમતીયા ગામ પાસે એલીટ સ્કૂલમાં ગઇકાલે “નમો રાસ”નું આયોજન મોરબી જિલ્લા યુવા ભાજપની ટિમ દ્વારા કરવામાં આવ્યું હતું કેમ કે, હાલમાં મોરબી જિલ્લાની અંદર ભાજપ પરિવાર દ્વારા નરેન્દ્ર મોદીના શાસનકાળને વીસ વર્ષ પુરા થયા છે ત્યારે તેની ઉજવણીના ભાગરૂપે જુદા જુદા કાર્યક્રમોનું આયોજન કરવામાં આવે છે થોડા દિવસો પહેલાં મોરબીમાં “નમો ડાયરો” યોજાયો હતો અને ગઇકાલે મોરબી જિલ્લા ભાજપના પ્રમુખ વિશાલભાઈ ઘોડાસરા અને તેની ટીમ દ્વારા “નમો રાસ”નું આયોજન કરવામાં આવ્યું હતું જેમાં મોરબી તાલુકાના આંદરણા, જોધપર અને ખાનપર ગામની જુદી-જુદી રાસ મંડળીઓના યુવાનો દ્વારા રાસની અવનવી કૃતિઓ રજૂ કરવામાં આવી હતી આ કાર્યક્રમમાં જિલ્લા ભાજપના પ્રમુખ દુર્લભજીભાઈ દેથરીયા, મોરબી જિલ્લા મહિલા ભાજપના પ્રમુખ સંગીતાબેન ભીમાણી અને મોરબી જિલ્લા યુવા ભાજપના પ્રમુખ વિશાલભાઈ ઘોડાસર સહિતની જિલ્લા, તાલુકા અને પાલિકાના ચૂંટાયેલા સદસ્યો અને ભાજપ પરિવારની ટીમ હાજર હતી અને નમો રાસને માણ્યો હતો