ટંકારાના હરીપર (ભુ) ગામે કુવાના પાણીમાં ડૂબી જવાથી યુવાનનું મોત

ટંકારા તાલુકાના હરીપર (ભુતકોટડા) ગામે આવેલ પોતાની વાડીએ યુવાન કુવામાં મૂકવામાં આવેલ મોટરના ફૂટ વાલ્વમાં કચરો સાફ કરતો હતો ત્યારે અકસ્માતે કુવાના પાણીમાં ડૂબી જતા તેનું મોત નીપજયું હતું ત્યારબાદ તેના મૃતદેહને ટંકારાની સરકારી હોસ્પિટલ ખાતે લઈને આવ્યા હતા અને આ બનાવની ટંકારા તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

જાણવા મળતી માહિતી મુજબ ટંકારા તાલુકાના હરીપર (ભુતકોટડા) ગામે રહેતા હરેશભાઈ કેશુભાઈ ચૌધરી (42) પોતાની ખારા વાળી સીમ તરીકે ઓળખાતી વાડીએ કુવામાં મુકેલ મોટરના ફૂટ વાલ્વના પાઇપમાં કચરો ભરાઈ ગયો હતો જેથી કરીને તેને સાફ કરી રહ્યો હતો ત્યારે કોઈ કારણોસર તે કૂવાના પાણીમાં ડૂબી જતા તેનું મોત નીપજયું હતું અને ત્યારબાદ તેના મૃતદેહને ટંકારાની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ કરી છે