રાજકોટથી માનતા પૂરી કરવા માટે પગપાળા જતાં મહિલાને ટંકારાના ધ્રુવનગર પાસે કાર ચાલકે હડફેટે લેતા અકસ્માત

ટંકારા મોરબી હાઇવે રોડ ઉપર ધ્રુવનગર ગામ પાસે મંદિર સામેથી માનતા પૂરી કરવા માટે પગપાળા ચાલીને મહિલા અન્ય મહિલાઓ સાથે જતાં હતા ત્યારે અલ્ટો ગાડીના ચાલકે તેઓને પાછળથી હડફેટે લીધા હતા જેથી કરીને અકસ્માતનો બનાવ બન્યો હતો અને મહિલાને રોડ સાઈડમાં આવેલ લોખંડની રેલિંગ સાથે ભટકાડી માથામાં તથા શરીરે ગંભીર ઇજાઓ કરી હતી અને વાહન ચાલક તેનું વાહન લઈને નાશી ગયો હતો જેથી કરીને હાલમાં ભોગ બનેલ મહિલાના દીકરાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

જાણવા મળતી માહિતી પ્રમાણે રાજકોટના જામનગર રોડ ઉપર આવેલ પરપીપળીયા ગામે ગૌશાળા ખાતે રહેતા અર્જુનદાન શક્તિદાન બાટી (28)એ અલ્ટો ગાડી નં. જીજે 3 એનપી 9146 ના ચાલક સામે ફરિયાદ નોંધાવેલ છે જેમાં તેને જણાવ્યું છે કે ટંકારા મોરબી રોડ ઉપર ધ્રુવનગર ગામ પાસે આવેલ મામાદેવના મંદિર સામેથી તેઓના મમ્મી ક્રિષ્નાબેન શક્તિદાન બાટી અન્ય મહિલાઓ સાથે પગપાળા ચાલીને જઈ રહ્યા હતા ત્યારે પાછળથી અલ્ટો ગાડીના ચાલકે તેઓને હડફેટે લેતા અકસ્માત થયો હતો અને ફરિયાદીના મમ્મીને રોડની બાજુની લોખંડની રેલિંગ સાથે ભટકાડી માથામાં ગંભીર ઇજાઓ કરી સ્થળ ઉપરથી આરોપી તેનું વાહન લઇને નાસી ગયો હતો ત્યાર બાદ ઈજા પામેલ હાલતમાં મહિલાને સારવાર માટે લઈને આવ્યા હતા અને હાલમાં મહિલાના દીકરાએ નોંધાવેલ ફરિયાદ આધારે આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે વધુમાં ફરિયાદી સાથે વાત કરતાં તેમણે જણાવ્યુ હતું કે, રાજકોટથી તેઓ હળવદ તાલુકાનાં સરંભડા ગામે માનતા પૂરી કરવા માટે ચાલીને જતાં હતા ત્યારે ફરિયાદીના માતા સહિત કુલ ત્રણ મહિલા ચાલીને આગળ જતાં હતા અને તેઓની પાછળ ફરિયાદી રિક્ષા લઈને જઈ રહ્યો હતો તેવામાં કાર ચાલકે ફરિયાદીની માતાને હડફેટે લેતા આ અકસ્માતનો બનાવ બનેલ છે.