મોરબીના જાગૃત નાગરિક પી.પી.જોશી દ્વારા રાજ્યના મુખ્યમંત્રીને લેખિતમાં રજૂઆત કરી જણાવવામાં આવેલ છે કે, મોરબી જીલ્લા સહિત ગુજરાતમાં પાસા કરવાના કેસો ધણા થાય છે.પરંતુ પોલીસ અધિકારી પાસાની દરખાસ્ત તૈયાર કરે ત્યારે આ દરખાસ્ત જીલ્લા કલેકટરની પાસે જાય છે અને જીલ્લા કલેકટર પાસે કામગીરીનું ભારણ વધારે હોય સમયસર પાસાની દરખાસ્ત મંજુર થવામાં વિલંબ થાય છે. ત્યાર સુધીમાં ગુનેગાર ફરી ગુના કરી બેસે છે.આથી જો આ સતા જીલ્લા પોલીસ વડા (એસ.પી.) ને આપવામાં આવે તો સમયસર પાસા કાર્યવાહી થઈ શકે અને પાસાના કેસનો ઝડપી નિકાલ આવે તેમજ નવા ગુના બનતા અટકી જાય તેમજ જીલ્લા કલેકટરના કામના ભારણમાં ઘટાડો થતા તેઓ પણ જીલ્લાની અન્ય મહત્વની કામગીરીમાં ધ્યાન આપી શકશે.અને જેતે અરજદારોના પ્રશ્ન વહેલી તકે નિકાલ થાય તો આ બાબતે વિચારણા કરી યોગ્ય નિર્ણય લઈ પાસાની સતા જીલ્લા પોલીસ વડાને આપવામાં આવે તેવી માંગ કરેલ છે.