મોરબીના રામઘાટ પાસે નવજાત બાળકીના મૃતદેહને ત્યજી દેનાર કુંવારી માતા સહિત ત્રણની ધરપકડ
Morbi Today
વાંકાનેર રેલ્વે સ્ટેશન સહિત સ્વચ્છ નીર દિવસ નિમિત્તે વિવિધ સ્ટેશનો પર પાણીની શુદ્ધતાની ચકાસણી
SHARE
JOIN OUR GROUP
વાંકાનેર રેલ્વે સ્ટેશન સહિત સ્વચ્છ નીર દિવસ નિમિત્તે વિવિધ સ્ટેશનો પર પાણીની શુદ્ધતાની ચકાસણી
રાજકોટ ડિવિઝન દ્વારા 16મી સપ્ટેમ્બરથી 2જી ઓક્ટોબર, 2022 દરમિયાન સ્વચ્છતા પખવાડાની ઉજવણી કરવામાં આવી રહી છે આ પખવાડિયા દરમિયાન તેમના પરિસરને સુંદર બનાવવા માટે સ્વચ્છતાને લગતી વિવિધ પ્રવૃત્તિઓ સતત કરવામાં આવી રહી છે. રાજકોટ ડિવિઝનના સિનિયર ડીસીએમ અભિનવ જેફે માહિતી આપી હતી કે, પખવાડિયાના દસમા દિવસને 'સ્વચ્છ નીર દિવસ' તરીકે ઉજવવામાં આવ્યો હતો. અભિયાન હેઠળ, પાણીની ટાંકીઓ, ફિલ્ટર પ્લાન્ટ, પાણી પુરવઠા સાથેના વેઇટિંગ રૂમ, રિટાયરિંગ રૂમ અને સ્ટેશનો પર ઉપલબ્ધ પાણીની શુદ્ધતાની ચકાસણી કરવામાં આવી હતી. સ્ટેશન પરના કેટરિંગ સ્ટોલ પર વેચાણ માટે ઉપલબ્ધ પાણીની કલોરીનની માત્રા અને કાયદેસરતાની ચકાસણી કરવામાં આવી હતી. આ ઉપરાંત, કેટલાક સ્ટેશનો પર આધુનિક મશીનો દ્વારા હાઈડ્રેન્ટ ની સફાઈ કરવામાં આવી હતી. આ સાથે સફાઈ કામદારોને હાઈડ્રેન્ટ પાઈપોનો યોગ્ય રીતે ઉપયોગ કરવા અને તેની જાળવણી કરવા સૂચના આપવામાં આવી હતી. ડિવિઝનના રાજકોટ, જામનગર, સુરેન્દ્રનગર, દ્વારકા, ઓખા, ખંભાળિયા, વાંકાનેર વગેરે સ્ટેશનો પર પ્લેટફોર્મ વોટર સ્ટેન્ડ અને વોટર કુલરમાંથી પાણીના નમૂના લેવામાં આવ્યા હતા અને ક્લોરીન ની માત્ર ચકાસવા માટે પરીક્ષણ કરવામાં આવ્યું હતું. રાજકોટ ડિવિઝન તેના મુસાફરોને સ્વચ્છ અને પીવાલાયક પાણી આપવા માટે હંમેશા પ્રતિબદ્ધ છે.
