ભાજપના ભ્રષ્ટાચાર અને બિન આવડત ભર્યા વહીવટથી મોરબીની પ્રજાને છુટકારો: મહેશભાઈ રાજ્યગુરુ
Morbi Today
મોરબીમાં ટોયલેટ ક્લીનર પી ગયેલ યુવાન સારવારમાં રાજકોટ ખસેડાયો
SHARE
JOIN OUR GROUP
મોરબીમાં ટોયલેટ ક્લીનર પી ગયેલ યુવાન સારવારમાં રાજકોટ ખસેડાયો
મોરબીના શનાળા રોડ ગુજરાત હાઉસિંગ બોર્ડ વિસ્તારમાં રહેતા યુવાને તેના ઘરે ટોયલેટ ક્લીનર પી લેતા તેને ખાનગી હોસ્પિટલ બાદ વધુ સારવાર માટે રાજકોટ ખસેડવામાં આવ્યો હોવાનું જાણવા મળેલ છે.
મોરબી સીટી એ ડિવિઝન પોલીસના જણાવ્યા પ્રમાણે મૂળ કુંતાસી ગામના અને હાલ મોરબીના શનાળ રોડ ઉપર આવેલ ન્યુ ગુજરાત હાઉસિંગ બોર્ડના બ્લોક નંબર ૬૩૧ માં રહેતા મુકેશભાઈ રણમલભાઈ સોઢીયા નામના ૩૮ વર્ષના યુવાને તેના ઘેર કોઈ કારણોસર ટોયલેટ કલીનર પી લેતા તેને સારવાર માટે અત્રેની ક્રિષ્ના હોસ્પિટલમાં લાવવામાં આવ્યો હતો અહીં પ્રાથમિક સારવાર આપીને મુકેશ સોઢીયાને વધુ સારવાર માટે રાજકોટ ખસેડવામાં આવ્યો હતો અને બનાવ સંદર્ભે જાણ થતા એ ડિવિઝન પોલીસ મથકના એ.એમ.ઝાપડિયાએ પહોંચીને તપાસ હાથ ધરી હતી જેમાં ખુલ્યું હતું કે, મુકેશભાઇએ શરૂ કરેલ જીની ઓટો નામના ધંધામાં તેને ખોટ આવેલ હોય અને પત્ની તથા બાળકો હાલ માવતરએ ચાલ્યા ગયા હોય અને મળવા દેતા ન હોય તે બાબતનું મનમાં લાગી આવવાથી મુકેશભાઇએ ઉપરોકત પગલું ભરી લીધુ હતુ અને હાલ તે રાજકોટ ખાતે સારવાર હેઠળ છે.
એસિડ પી જતાં પરિણીતા સારવારમાં
મોરબી નજીકના નાનીવાવડી ગામે આવેલ બજરંગ સોસાયટીમાં રહેતા મોનિકાબેન હિરેનભાઈ મનહરભાઈ પડસુંબીયા નામની ૩૦ વર્ષની મહિલા તેના ઘેર ટોયલેટ સાફ કરવાનું એસિડ પી ગયા હતા જેથી કરીને સારવાર માટે અહીંની મંગલમ હોસ્પિટલે લાવવામાં આવ્યા હતા અને બનાવ સંદર્ભે મંગલમ હોસ્પિટલ ખાતેથી જાણ થયેલી હોય એ ડિવિઝન પોલીસ મથકના વિપુલભાઈ ફુલતરીયાએ તપાસ હાથ ધરી હતી જેમાં પ્રાથમિક તપાસમાં ખુલ્યું હતું કે પતિ અને સાસુ સાથે નજીવી વાતે ઘર કંકાસ થતો હોય તે બાબતનું મનમાં લાગી આવતા મોનિકાબેને ઉપરોક્ત પગલું ભરી લીધું હતું..!
વાહન અકસ્માતમાં ઈજા
મોરબીના રવાપર ગામે નવજીવન સ્કૂલની સામે ઘુનડા રોડ ઉપર આવેલ બુટાની વાડી વિસ્તારમાં રહેતા નીતિન રમણીકભાઈ પરમાર નામના ૧૪ વર્ષના સગીરને વાહનમાં જતા સમયે બાઇકમાંથી નીચે પડી જતા ઇજાઓ પહોંચી હતી જેથી તેને અત્રે મધુરમ હોસ્પિટલે સારવાર માટે લાવવામાં આવતા હાલ એ ડિવિઝન પોલીસ મથકના વિપુલભાઈ ફુલતરીયાએ નોંધ કરીને તેની આગળની તપાસ શરૂ કરેલ છે.
