મોરબી જિલ્લા ટોબેકો કંટ્રોલ સેલ દ્વારા ભોજપરા પ્રાથમિક શાળામાં ચિત્ર સ્પર્ધા યોજાઇ

ડીસ્ટ્રીક્ટ ટોબેકો કંટ્રોલ સેલ મોરબી દ્વારા વાંકાનેર તાલુકાની ભોજપરા પ્રાથમિક શાળામાં વ્યસનની જાગૃતિ અર્થે ચિત્ર સ્પર્ધાનું આયોજન કરવામાં આવેલ હતું જેમાં ધોરણ ૬ થી ૮ ના વિદ્યાર્થીઓએ ભાગ લીધો હતો જેમાં વિદ્યાર્થીઓ દ્વારા વ્યસન અંગેની જાગૃતિ દર્શાવતા વિવિધ ચિત્રો દોરવામાં આવ્યા હતા અને જેમાં પ્રથમ કાલરા સના, દ્રિતીય ખોરજીયા મહેક અને તૃતીય કડીવાર આરજુ વિજેતા બન્યા હતા અને વિજેતા થનાર વિદ્યાર્થીઓને ઇનામ તથા પ્રમાણપત્ર આપી પ્રોત્સાહન પૂરું પાડવામાં આવ્યું હતું ત્યાર બાદ ડીસ્ટ્રીક્ટ ટોબેકો કંટ્રોલ સેલના સભ્ય તેહાન શેરસીયા દ્વારા વિદ્યાર્થીઓને વ્યસનથી થતા શારીરિક, આર્થિક અને સામાજિક નુકસાન અંગે માહિતગાર કર્યા હતા અને COTPA-2003 કાયદા અંગે પણ વિસ્તૃત માહિતી આપી હતી, આ કાર્યક્રમનું સફળ સંચાલન શાળાના શિક્ષક રમીઝ દ્વારા કરવામાં આવ્યું હતું, અંતમાં શાળાના આચાર્ય એસ.યુ. લોલાડીયા દ્વારા વિદ્યાર્થીઓને વ્યસન પોતે જિંદગીમાં ક્યારેય ન કરવા તથા પોતાના પરિવારને પણ વ્યસનથી બચવા માટે કહ્યું હતું