મોરબીના રવાપર ગામે શક્તિટાઉનશીપમાં આવેલ સત્યમ એપાર્ટમેન્ટમાં રહેતા વિશાલ સવજીભાઈ જીવાણી નામના ૩૪ વર્ષીય યુવાનને રાજકોટ હાઇવે અજંતા-સોનમ ક્લોકની વચ્ચે બાઈક લઈને જતા સમયે આઇસર સાથે અકસ્માત થતા સારવાર માટે અત્રે ક્રિષ્ના હોસ્પિટલે લવાયો હતો. અને ત્યાં સારવાર આપીને વધુ સારવાર માટે રાજકોટ લઈ જવાયો હતો. કચ્છમાં કટારીયા ખાતે રહેતા મોહમ્મદ ઇમરાનભાઈ રાઉમા નામના નવ વર્ષના બાળકને બાઈક સ્લીપ થવાના બનાવમાં સારવાર માટે મોરબી લાવવામાં આવ્યો હતો.તે રીતે જ થોડા સમય પહેલા ઉર્ષના મેળામાંથી પરત ઘરે જતા સમયે અજાણ્યા બાઈકની હડફેટે ચડી જતા જીલ્લાની સાબીરહુસેન સેડાત (ઉમર ૪) રહે.ઝીંઝુડા માળીયા મીંયાણાને ઇજાઓ થતા સારવાર માટે મોરબી લાવવામાં આવ્યો હતો.

 

મોરબીના રહેવાસી અક્ષય દેવજીભાઈ સોઢીયા નામના ૨૨ વર્ષના યુવાનને વાવડી રોડ નાયરા પેટ્રોલ પંપ પાસે બાઈક સ્લીપ થવાના બનાવમાં ઈજા થતા સારવારમાં લઈ જવાયો હતો.જ્યારે મોરબીમાં મારૂતી નંદનવન એપાર્ટમેન્ટ ખાતે રહેતા સામુબેન ડાયાભાઈ પડસુંબીયા નામના ૮૬ વર્ષના વૃદ્ધા પંચાસર રોડ ઉપરથી જતા હતા ત્યાં અકસ્માતમાં ઇજા થતા તેઓને સારવાર માટે લઈ જવામાં આવ્યા હતા. જ્યારે મોરબી કાલિકા પ્લોટ વિસ્તારમાં રહેતા ફારૂક હાજીભાઈ માજોઠી નામના ૪૦ વર્ષના યુવાને કોઈ કારણોસર ફીનાઇલ પી લેતા તેને સારવારમાં ખસેડાયો હતો.

 

મોરબીના વાઘપરા વિસ્તારમાં રહેતા પ્રકાશભાઈ નારાયણભાઈ નાગદેવ નામના ૩૫ વર્ષના યુવાનને ગાંધી ચોક વિસ્તારમાં મારામારીમાં ઈજા થવાથી સિવિલે સારવારમાં લઈ જવાયો હતો.જ્યારે મોરબીના થોરાળા ગામે રહેતા હરજીવનભાઈ પ્રેમજીભાઈ અંબાણી નામના ૬૧ વર્ષના વૃદ્ધ બાઈક લઈને જતા હતા ત્યારે ગામના બોર્ડ નજીક કુતરૂ આડુ ઉતરતા સ્લીપ થતા સારવારમાં લઈ જવા હતા.જ્યારે ધાંગધ્રાના કોંઢ ખાતે રહેતા વિપુલ મહેશભાઈ રાવળદેવ નામના ૨૩ વર્ષના યુવાનને મોરબી મકરાણીવાસ વિસ્તારમાં બાઇકમાંથી પડી જતા સારવારમાં ખસેડાયો હતો.

 

વૃદ્ધા સારવારમાં
સુરેન્દ્રનગરના લખતર તાલુકાના તલસાણા ગામે રહેતા હંસાબા લાખુભા નામના ૭૬ વર્ષના વૃદ્ધા ગામમાં આવેલ દરબારગઢ પાસે બાઈકના પાછળના ભાગેથી નીચે પડી ગયા હોય સારવાર માટે અત્રેની ખાનગી સાગર ઓર્થોપેડિક હોસ્પિટલે લાવવામાં આવ્યા હતા. જ્યારે મોરબીના રફાળેશ્વર ગામે રહેતા દક્ષાબેન નીતિનભાઈ વ્યાસ નામના ૪૫ વર્ષીય મહિલા બાઇકમાં બેસીને જતા હતા.ત્યારે મોરબી શનાળા રોડ પેટ્રોલ પંપ વાળી શેરી નજીક તેઓનું બાઈક સ્સીપ થઇ જતા અકસ્માત બનાવમાં ઇજા થવાથી ખાનગી હોસ્પિટલએ લઇ જવાયા હતા.

મહિલા સારવારમાં
વાંકાનેરના ધમલપર વિસ્તારમાં રહેતા હેમીબેન બટુકભાઈ સરાણીયા નામના ૪૭ વર્ષીય મહિલા વીસીપરા નજીક શાકભાજી લેવા માટે ગયા હતા ત્યાં અજાણ્યા બાઈક વાળાએ તેમને હડફેટ લેતા સારવાર માટે મોરબી લાવવામાં આવ્યા હતા.તે રીતે જ મોરબીના સત્કાર પાર્ટી પ્લોટ નજીક રહેતા નાથાભાઈ કાનજીભાઈ પનારા નામના ૬૨ વર્ષના વૃધ્ધને રાજકોટ હાઇવે ઉપર મીતાણા ગામના ફ્લાઇ ઓવર નજીક વાહન અકસ્માત બનાવમાં ઈજા થતા ૧૦૮ વડે સારવાર માટે મોરબી લાવવામાં આવ્યા હતા.