મોરબીના લખધિરપુર રોડે સર્જાયેલા જીવલેણ અકસ્માતમાં મૃતકના ભાઈએ નોંધાવી ફરિયાદ
SHARE
JOIN OUR GROUP
મોરબીના લખધિરપુર રોડે સર્જાયેલા જીવલેણ અકસ્માતમાં મૃતકના ભાઈએ નોંધાવી ફરિયાદ
મોરબીના લખધિરપુર રોડ ઉપરથી ડમ્પર લઇને પસાર થયેલા યુવાનનું ડમ્પર પલટી મારી રહ્યું હતું જેથી યુવાન ડમ્પરમાંથી નીચે ઉતારીને રોડ ક્રોસ કરી રહ્યો હતો ત્યારે બીજા ટ્રક ચાલકે તેને હડફેટે લેતા તેના ટાયર નીચે ચગડાઈ જતાં યુવાનને ગંભીર ઈજા થઈ હોવાથી તેનું મોત નિપજ્યું હતું. આ બનાવમાં મૃતક યુવાનના ભાઈની ફરિયાદ લઈને પોલીસે ટ્રક ચાલકની સામે ગુનો નોંધીને આરોપીને પકડવા માટે કાર્યવાહી હાથ ધરી છે
બનાવની જાણવા મળતી વિગત પ્રમાણે હાલ મોરબીમાં વેજીટેબલ રોડ ઉપર આવેલ ભાગ્યલક્ષ્મી સોસાયટીમાં રહેતા દિલીપસિંહ ઉર્ફે દિલુભા પથુભા ઝાલા જાતે દરબાર (ઉ.૫૪)એ ટ્રક ટ્રેલર આરજે ૬ જીબી ૫૫૯૨ ના ચાલકની સામે મોરબી સિટી બી ડિવિઝન પોલીસ સ્ટેશને ફરિયાદ નોંધાવી છે જેમાં તેને જણાવ્યુ છે કે, મોરબી શહેરના લખધિરપુર રોડ ઉપરથી ડમ્પર નંબર જીજે ૧૦ ઝેડ ૫૦૫૮ લઈને તેનો ભાઈ હરપાલસિંહ પથુભા ઝાલા (ઉંમર ૪૫) રહે. સકત સનાળા મોરબી વાળા જઈ રહ્યો હતો ત્યારે ડમ્પર રોડની સાઇડમાં પલટી મારી રહ્યું હતું જેથી કરીને તે ડમ્પરમાંથી નીચે ઉતારીને રોડ ક્રોસ કરી રહ્યો હતો ત્યારે ટ્રક ટ્રેલરના ચાલકે હરપાલસિંહ ઝાલાને હડફેટે લેતા તેને કમરના ભાગે ઇજાઓ થઈ હતી અને તેનું મોત નીપજયું હતું જેથી પોલીસે હાલમાં મૃતક યુવાનના ભાઈની ફરિયાદ લઈને ટ્રક ટ્રેલરના ચાલકની સામે ગુનો નોંધીને આરોપીને પકડવા માટે તજવીજ શરૂ કરી છે
