મોરબીમાં કાલિકા પ્લોટમાં જુગાર રમતી ચાર મહિલા સહિત છ જુગારી પકડાયા
Morbi Today
મોરબીમાં ખેતરેથી ઘરે જતાં વૃદ્ધને ચાલુ બાઈકે ચક્કર આવતા રોડ ઉપર પડવાથી મોત
SHARE
JOIN OUR GROUP
મોરબીમાં ખેતરેથી ઘરે જતાં વૃદ્ધને ચાલુ બાઈકે ચક્કર આવતા રોડ ઉપર પડવાથી મોત
મોરબીના કન્યા છાત્રાલય રોડ ઉપર આવેલ ક્રિષ્ના પાર્કમાં રહેતા વૃદ્ધ ખેતરેથી ઘર તરફ પોતાનું બાઈક લઈને આવી રહ્યા હતા ત્યારે મોરબીના શનાળા રોડ ઉપર આવેલ ઉમિયા સર્કલથી આગળના ભાગમાં રત્નકલા એક્સપોર્ટની સામેના ભાગમાં ચાલુ બાઈકે ચક્કર આવતા બેભાન થઈને તે બાઈક ઉપરથી નીચે પડી ગયા હતા જેથી કરીને ૧૦૮ મારફતે તેઓને તાત્કાલિક સારવાર માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટર તેને જોઇ તપાસીને મૃત જાહેર કર્યા હતા અને ત્યારબાદ આ બનાવની મૃતકના ભાઈ દ્વારા મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના કન્યા છાત્રાલય રોડ ઉપર આવેલ ક્રિષ્ના પાર્કમાં રહેતા ચતુરભાઈ રાઘવજીભાઈ ગામી જાતે પટેલ (૬૦) નામના વૃદ્ધ પોતાનું બાઈક લઈને મોરબીના સનાળા રોડ ઉપર આવેલ ઉમિયા સર્કલથી આગળ રત્નકલા એક્સપોર્ટ સામેથી પસાર થઈ રહ્યા હતા ત્યારે તેઓને ચાલુ બાઈકે ચક્કર આવતા તેઓ બાઈક ઉપરથી બેભાન થઈને રસ્તા ઉપર નીચે પટકાયા હતા જેથી કરીને તેમને તાત્કાલિક સારવાર માટે ૧૦૮ મારફતે મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ ઉપરના ડોક્ટરે તેમને જોઈ તપાસીને મૃત જાહેર કર્યા હતા ત્યારબાદ આ બનાવની મૃતકના ભાઈ પ્રાગજીભાઈ રાઘવજીભાઈ ગામી જાતે પટેલ (૫૮) રહે. શોભા કુંજ સોસાયટી-એ અવની ચોકડી પાસે મોરબી વાળાએ મોરબી એ ડિવિઝન પોલીસને જાણ કરી હતી જેથી કરીને પોલીસે બનાવની નોંધ કરી આગળની કાર્યવાહી હાથ કરી હતી અને વધુમાં પોલીસ પાસેથી મળતી માહિતી મુજબ મૃતક વૃદ્ધ પોતાનું બાઈક લઈને ખેતરેથી ઘરે આવતા હતા ત્યારે રસ્તામાં તેને ચાલુ બાઈકે ચક્કર આવતા તે રસ્તા ઉપર પડી ગયા હતા જેથી કરીને તેનું મોત નીપજયું હતું જેની પોલીસે નોંધ કરીને રાબેતા મુજબની કાર્યવાહી હાથ ધરી છે
ઝેરી દવા પીધી
મોરબીના નવલખી રોડ ઉપર આવેલ ખેવારીયા ગામે રહેતા જયેશ મહેશભાઈ દેત્રોજા (૨૮) નામના યુવાને કોઈ અગમ્ય કારણોસર ઝેરી દવા પી લીધી હતી જેથી કરીને તેને તાત્કાલિક સારવાર માટે મોરબીની મંગલમ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનવાની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ ફિરોજભાઈ સુમરા દ્વારા કરવામાં આવેલ છે જોકે યુવાને કયા કારણોસર ઝેરી દવા પીધી છે તે દિશામાં પોલીસ દ્વારા આગળની તપાસ હવે કરાશે
મહિલા સારવારમાં
મોરબી તાલુકાના મહેન્દ્રનગર ગામ પાસે આવેલ ઇન્દીરાનગર વિસ્તારમાં રહેતા મનીષાબેન હનાભાઈ ચાવડા (૨૬) નામની મહિલાએ કોઈ અગમ્ય કારણોસર રાત્રિના ૧૧:૦૦ વાગ્યાના અરસામાં અજાણી દવા પી લેતા તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપવામાં આવ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનવાની નોંધ કરી આગળની રાબેતા મુજબની કાર્યવાહી કરી છે અને આ બનાવ અંગેની આગળની વધુ તપાસ હિતેશભાઈ મકવાણા ચલાવી રહયા છે
