વાંકાનેરના અમરસર પાસે પગપાળા જતી યુવતીને હડફેટે લેનાર બાઇક ચાલક સામે ગુનો નોંધાયો

મોરબીના વાંકાનેર સીટી પોલીસ વિસ્તારમાં આવતા અમરસર રોડ ઉપરથી પગપાળા જતી યુવતીને બાઈક ચાલકે હડફેટે લેતા ફેક્ચર જેવી ઇજાઓ સાથે યુવતીને સારવાર માટે લઇ જવામાં આવી હતી. 

વાંકાનેર સીટી પોલીસ સૂત્રોના જણાવ્યા પ્રમાણે વાંકાનેરના અમરસર ગામે રહેતી યુવતી અમરસર રોડ ઉપરથી પગપાળા જતી હતી ત્યારે કરીનાબેન હુસેનભાઇ અલ્લારખાભાઇ બાંભણિયા (૧૯) નામની સંધિ મહિલાને બાઇક ચાલક જીજે ૩૬ એ ૬૮૮૦ ના ચાલક વિનોદભાઈ જીવાભાઈ કોળી રહે.અમરસરે હડફેટે લીધી હતી જેથી કરીને પગના પગના ઢીંચણના ભાગે અને કમરના ભાગે ફેકચર જેવી ઇજા તથા શરીરે છોલછાલ જેવી ઈજાઓ સાથે કરીનાબેનને સારવાર માટે લઇ જવામાં આવ્યા હતા. સારવાર લીધા બાદ કરીનાબેને ઉપરોક્ત નંબરના બાઇક ચાલક વિનોદભાઈ કોળીની સામે ફરિયાદ નોંધાવતા વાંકાનેર સીટી પોલીસ મથકના ઇશ્વરભાઇ કલોત્રાએ બનાવની આગળની તપાસ હાથ ધરી છે.

ઝેરી દવા પી લેતા સારવારમાં

મોરબીના હળવદ તાલુકાના મેરૂપર ગામે વાડી વિસ્તારમાં ઝેરી દવા પી જતા અરવિંદ કનુભાઈ તડવી નામના ૨૪ વર્ષના યુવાનને અહીંની આયુષ હોસ્પીટલે સારવાર માટે લવાયો હતો. જ્યારે મોરબીના માળિયા મિંયાણા તાલુકાના વવાણીયા ગામે રહેતો અશોક રેસિયાભાઈ રાઠવા નામનો ૪૫ વર્ષનો યુવાન કોઇબા ગામ પાસેથી બાઈક લઈને જતો હતો ત્યાં રસ્તામાં બાઈક આડે ગાય ઉતરતા બાઈક સ્લીપ થઈ જવાનો બનાવ બન્યો હતો જેમાં ઈજાગ્રસ્ત થયેલા અશોક રાઠવાને અહીંની સિવિલ હોસ્પિટલે સારવાર માટે લવાયો હતો.

સગીરા સારવારમાં 

માળિયા-મિંયાણાના જુના અંજીયાસર ગામે રહેતી સબનમબેન હાજીભાઇ મોવર નામની ૧૬ વર્ષીય સગીરાએ કોઈ કારણોસર તેના ઘેર ઝેરી દવા પી લેતા તેણીને મોરબીની ક્રિષ્ના હોસ્પિટલ ખાતે સારવાર માટે લાવવામાં આવી હતી. જ્યારે માળીયા મીંયાણામાં આરામ હોટલ નજીક રહેતા તનબાઈ સબીરભાઈ મોવર નામના ૬૨ વર્ષીય વૃદ્ધાને ઘર નજીક થયેલ મારામારીના બનાવમાં ઈજા થતાં તેઓને પણ સારવાર માટે અહીંની સિવિલ હોસ્પિટલે લાવવામાં આવ્યા હતા.

“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”