મોરબીમાં આડેધડ મૂકવામાં આવેલ હોડીંગ બોર્ડ વહેલી તકે ઉતારી લેવાની ગ્રાહક સુરક્ષા મંડળની માંગ

મોરબીમાં અધિકૃત અને અનઅધિકૃત હોડીંગ બોર્ડ આડેધડ મૂકવામાં આવેલ છે જે ગમે ત્યારે નિર્દોષ વ્યક્તિ માટે જીવલેણ સાબિત થઈ શકે તેમ છે જેથી કરીને વાવાઝોડા અને વરસદાની પરિસ્થિતિને ધ્યાને રાખીને હોર્ડીંગને વહેલી તકે ઉતારી લેવા અને પ્રાવેઈટ કે નગરપાલીકા દ્વારા જે કોન્ટ્રાકટ આપેલ હોય તો હોર્ડીંગ પણ હટાવી લેવા માટે મોરબી શહેર અને જિલ્લા ગ્રાહક સુરક્ષા મંડળના પ્રમુખે કલેક્ટરને રજૂઆત કરી છે

મોરબી શહેર અને જિલ્લા ગ્રાહક સુરક્ષા મંડળના પ્રમુખ લાલજીભાઈ મહેતા દ્વારા કલેક્ટરને રજૂઆત કરવામાં આવી છે જેમાં જણાવ્યુ છે કે, મોરબી શહેર અને જીલ્લામાં ચોમાસામાં મોટા હોડીંગ બોર્ડ જોખમી બને તેમ છે અને નિર્દોષ વ્યક્તિ માટે જીવલેણ સાબિત થાય તેવી શક્યતા છે ત્યારે મોરબીમાં હાઇવે, ઉભી બજાર શનાળા રોડ, રવાપર રોડ, સમગ્ર મોરબીમાં હોર્ડીંગ બોર્ડ હટાવવામાં આવે તે અનિવાર્ય છે મોરબી નગરપાલીકાને રકમ ભરી કોન્ટ્રાકટ આપવામાં આવેલ છે. તે બોર્ડ કે પછી પ્રાઇવેટ બોર્ડ જીવતા બોમ્બ સમાન છે તેમજ નાના બોર્ડ જાહેર રસ્તા કે થાંભલા પર લગાવે છે. તે માટે આવા બોર્ડ તાત્કાલીક ઉતારી લેવાની માંગ કરી છે તેમજ શહેરોમાં બોર્ડ મુકનાર પાસે આધાર વગર લઈને વીમો ઉતારી લેવો જરૂરી છે. જેથી કરીને કોઈ ઘટના બને તો તે લોકોને આર્થિક મદદ આપી શકાય તેમ છે જેથી આ મામલે કલેકટર અને એસ.પી. દ્વારા આકરી કાર્યવાહી કરવામાં આવે તે જરૂરી છે જો કે, થશે કે કે તે પણ સવાલ છે