મોરબીના ઘુંટુ રોડે પોલીસ વાહનને ટક્કર મારીને નાશી જવાના ગુનામાં બાળઆરોપી પકડાયો
Morbi Today
મોરબીના ખારચીયા-આમરણ વચ્ચે બાઇક સ્લીપ થતાં બેને ઈજા
SHARE
JOIN OUR GROUP
મોરબીના ખારચીયા-આમરણ વચ્ચે બાઇક સ્લીપ થતાં બેને ઈજા
મોરબીના ખારચીયા-આમરણ ગામની વચ્ચેથી ડબલ સવારીમાં જતું બાઈક સ્લીપ થઈ ગયું હતું જે બનાવમાં બે યુવાનોને ઇજા થતાં સારવારમાં ખસેડાયા છે.
મોરબી તાલુકા પોલીસ સૂત્રોના જણાવ્યા પ્રમાણે મોટી વાવડી ગામના સંજયભાઈ સામતભાઈ કાચોરિયા (૨૩) અને કિશન મગનભાઇ ગણેશિયા (૨૦) નામના બે યુવાનો બાઈક લઈને જતા હતા ત્યારે તેમનું બાઈક ખારચીયા અને આમરણની વચ્ચે સ્લીપ થઈ ગયું હતું જે બનાવમાં ઇજાગ્રસ્ત થયેલા સંજય અને કિશનને ક્રિષ્ના હોસ્પિટલે સારવારમાં લાવવામાં આવ્યા હતા. જ્યારે મોરબીના લીલાપર રોડ ચાર માળીયામાં રહેતા કાંતાબેન રમેશભાઈ ચારોલા નામની ૪૩ વર્ષીય મહિલા પગપાળા જતી હતી ત્યારે કોઇ બાઇક ચાલકે તેમને હડફેટે લેતા કાંતાબેનને સારવારમાં ખસેડાયા હતા.
યુવાન સારવારમાં
વાંકાનેરના નવાપરા વિસ્તારમાં રહેતો હરેશ કાનજી સારલા નામનો ૩૦ વર્ષનો યુવાન પંચાસર રોડ ઉપરથી પગપાળા જતો હતો ત્યારે કોઇ અજાણ્યા બાઈક ચાલકે તેને હડફેટે લેતા ઇજાગ્રસ્ત હરેશ સારલાને પણ સારવારમાં ખસેડાયો હતો.જ્યારે હળવદ તાલુકાના ઘનશ્યામગઢ ગામે રહેતા નુરીબેન કાળુભાઈ બબુલે નામની ૩૨ વર્ષીય મહિલાને ઝેરી જનાવર કરડી જતાં તેણીને સારવાર માટે અહિંની સિવિલ હોસ્પિટલે લાવવામાં આવી હતી.
મારામારીમાં ઇજા
મોરબી તાલુકાના બેલા (આમરણ) ગામે રહેતા ફરીદાબેન હુસેનભાઈ સાઇચા નામની ૨૦ વર્ષીય યુવતીને મારામારીના બનાવમાં ઇજા થતાં સારવારમાં ખસેડવામાં આવી હતી. જ્યારે મોરબીના લાલપર-જાંબુડીયા વચ્ચે આવેલ એરસલ સીરામીક નામના યુનિટમાં ગાડીમાં ટાઇલ્સ ચડાવતા સમયે પડી જતા જાહનાબેન કમલભાઈ ડામોર નામની મજુર મહિલાને સારવારમાં ખસેડાઇ હતી.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
