મોરબીના રફાળેશ્વર પાસે માલગાડી સાથે અથડાતાં યુવાનનું મોત

મોરબી નજીકના રફાળેશ્વર ગામ પાસે આવેલ તળાવ નજીકથી માલગાડી પસાર થતી હતી ત્યારે તેની સાથે અજાણ્યા 25 વર્ષનો યુવાન અથડાઇ જતાં તેને શરીરે ગંભીર ઈજાઓ થઈ હતી અને તેનું મોત નીપજયું હતું જેથી કરીને આ બનાવની રેલવે પોલીસ દ્વારા મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરેલ છે

બનાવની જાણવા મળતી વિગતો પ્રમાણે મોરબી નજીકના રફાળેશ્વર ગામ પાસે આવેલ પાણીના તળાવ પાસે રેલવેના ઈલેક્ટ્રિકલ્સ થાંભલા નંબર ૧૯/૨૧ પાસેથી માલગાડી તા ૨૫ ના રોજ સવારે અગિયાર વાગ્યાના અરસામાં પસાર થઈ રહી હતી ત્યારે માલગાડી સાથે ૨૫ વર્ષનો યુવાન અથડાયો હતો જેથી તે યુવાનને માથા અને શરીરના ભાગે ગંભીર ઈજાઓ થઈ હતી માટે આ યુવાનનું ઘટનાસ્થળે જ મોત નિપજ્યું હતું. આ બનાવની રેલવેના એએસઆઈ રતિલાલ બાબુભાઈએ મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની વધુમાં જાણવા મળતી વિગતો પ્રમાણે મૃતક યુવાન ઝારખંડનો હોવાની વાત સામે આવી છે જો કે મૃતક યુવાનની ઓળખ મેળવવા માટે થઈને મોરબી તાલુકા પોલીસ દ્વારા તજવીજ કરવામાં આવી રહી છે