ગુનેગારોનું ઘર એટલે મોરબી..? : મુંબઈના દુષ્કર્મનો આરોપી મોરબીથી પકડાયો
મોરબીમાં વિનોદભાઇ ચાવડાના રોડ-શો માં રૂપાલા હાય.. હાય.. ના સૂત્રોચ્ચાર
SHARE
![News Image](https://morbitoday.com/assets/blog/1714461400.jpeg)
![](https://morbitoday.com/assets/images/advertisement/1725609793.jpg)
![](https://morbitoday.com/assets/images/advertisement/1717352591.jpg)
![](https://morbitoday.com/assets/images/advertisement/1725604583.jpg)
મોરબીમાં વિનોદભાઇ ચાવડાના રોડ-શો માં રૂપાલા હાય.. હાય.. ના સૂત્રોચ્ચાર
લોકસભાની ચૂંટણીને ગણતરીના દિવસો બાકી રહ્યા છે ત્યારે આજે કચ્છ મોરબીના ભાજપના ઉમેદવાર વિનોદભાઈ ચાવડાના મોરબીમાં રોડ-શો યોજાયો હતો ત્યારે ધારાસભ્ય સહિતના ભાજપના આગેવાનો, હોદેદારો અને કાર્યકરો હાજર રહ્યા હતા અને મોરબીના માર્ગો ઉપર વિવિધ સંગઠનો અને સમાજ દ્વારા ભાજપના ઉમેદવારનું સ્વાગત કરવામાં આવ્યું હતું જો કે, મોરબી ક્ષત્રિય સમાજના આગેવાનોએ રોડ-શો શરૂ થયો હતો ત્યાં જ “રૂપાલા હાય.. હાય…” ના સૂત્રોચ્ચાર કર્યા હતા.
લોકસભાની ચૂંટણી માટે આગામી ૭ મે ના રોજ મતદાન થવાનું છે ત્યાર પહેલા આજે મોરબીમાં કચ્છ-મોરબી લોકસભા બેઠકના ભાજપના ઉમેદવાર વિનોદભાઈ ચાવડાનો રોડ-શો યોજાયો હતો અને મોરબીના શનાળા રોડે બનાવવામાં આવેલ મધ્યસ્થ કાર્યાલયથી દરબારગઢ સુધીના રોડ-શો માં મોરબીના ધારાસભ્ય કાંતિભાઈ અમૃતિયા, મોરબી જિલ્લા ભાજપના પ્રમુખ રણછોડભાઈ દલવાડી સહિતના ભાજપના આગેવાનો, હોદેદારો અને કાર્યકરો સહિતના લોકો મોટી સંખ્યામાં હાજર રહ્યા હતા અને અને મોરબીના શનાળા રોડ, રામચોક, હોસ્પિટલ ચોક, નવાડેલા રોડ, પરબજાર, નાગર દરવાજા ચોક અને દરબાર ગઢ સુધીના રોડ શો માં ઠેરઠેર તેમનું જુદાજુદા સમાજ અને સંગઠનો દ્વારા સ્વાગત સન્માન કરવામાં આવ્યું હતું તારે ઉલેખનીય છે કે, મોરબીના શનાળા રોડે મનહર મિરર પાસે મોરબી ક્ષત્રિય સમાજના આગેવાનોએ “રૂપાલા હાય.. હાય…” કરીને સૂત્રોચ્ચાર કર્યા હતા. ત્યારે ફરજ ઉપર પોલીસ અધિકારી અને કર્મચારીઓએ સૂત્રોચ્ચાર કરી રહેલા ક્ષત્રિય સમાજના લોકોની અટકાયત કરી હતી.
![](https://morbitoday.com/assets/images/advertisement/1722835068.jpg)
![](https://morbitoday.com/assets/images/advertisement/1725546783.jpg)