માળીયા મીયાણા તાલુકાના જુના ઘાટીલા ગામે વાડીએ રહેતા અને મજૂરી કામ કરતા પરિવારની દીકરી દાજી ગઈ હતી જેથી કરીને મહિલાને તેના સાસુએ ઠપકો આપ્યો હતો જે બાબતે તેને લાગી આવતા તેણે ઝેરી દવા પી લીધી હતી જેથી મહિલાને સારવાર માટે હોસ્પિટલે ખસેડવામાં આવી હતી અને સારવાર દરમિયાન તે મહિલાનું મોત નીપજયું છે જેથી આ બનાવ અંગેની મૃતક મહિલાના પતિએ માળિયા તાલુકા પોલીસ ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મૂળ છોટાઉદેપુર જિલ્લાના રહેવાસી અને હાલમાં માળિયા તાલુકાના જૂના ઘાટીલા ગામની સીમમાં લલિતભાઈ ભગવાનજીભાઈ વીડજાની વાડીએ રહેતા અને મજૂરી કામ કરતા સોમાભાઈ કલજીભાઈ નાયકા (25)ના પત્ની નિકિતાબેન સોમાભાઈ નાયકા (24)એ ગત તા. 19/11 ના રોજ ઝેરી દવા પી લીધી હતી જેથી કરીને તેને સારવાર માટે હોસ્પિટલે લઈને આવ્યા હતા અને ચાલુ સારવાર દરમિયાન તેનું મોત નીપજ્યું હતું જેથી કરીને આ બનાવની મૃતક મહિલાના પતિ દ્વારા માળિયા તાલુકા પોલીસ સ્ટેશન ખાતે જાણ કરવામાં આવતા પોલીસે આપઘાતના બનાવની નોંધ કરી આગળની કાર્યવાહી ખાતરી છે અને વધુમાં પોલીસ પાસેથી મળતી વિગત પ્રમાણે મૃતક મહિલાનો લગ્ન ગાળો ત્રણ વર્ષનો છે અને તે પતિ અને સાસુ સાથે અહીંયા રહેતા હતા અને જે દિવસે બનાવ બન્યો તે દિવસે મૃતક મહિલાની દીકરી દાજી ગઈ હતી જેથી તેના સાસુએ તેને ઠપકો આપ્યો હતો જે બાબતે તેને લાગી આવતા તેણે ઝેરી દવા પી લીધી હતી તેવું પ્રાથમિક તપાસમાં સામે આવ્યું છે. જેની પોલીસે નોંધ કરીને કાર્યવાહી કરેલ છે.