મોરબીના લાલપર પાસે ટ્રક ચાલકે બાઇકને હડફેટ લેતા ઇજા પામેલ યુવાન સારવારમાં
Morbi Today
મોરબીના ખારચિયાથી આમરણ જવાના રસ્તે બંધ ટ્રક કન્ટેનર પાછળ ડબલ સવારી બાઇક અથડાતાં એક યુવાનનું મોત, એક સારવારમાં
SHARE
JOIN OUR GROUP
મોરબીના ખારચિયાથી આમરણ જવાના રસ્તે બંધ ટ્રક કન્ટેનર પાછળ ડબલ સવારી બાઇક અથડાતાં એક યુવાનનું મોત, એક સારવારમાં
મોરબીના ખારચિયા ગામથી આમરણ ગામ તરફ જવાના રસ્તા ઉપરથી ડબલ સવારી બાઈકમાં બે કૌટુંબિક ભાઈ પસાર થઈ રહ્યા હતા ત્યારે રોડ સાઈડમાં પાર્ક કરેલા ટ્રક કન્ટેનરની પાછળના ભાગમાં બાઇક અથડાયું હતું જેથી બાઈક ચલાવી રહેલા યુવાનને શરીરે ગંભીર ઇજાઓ થયેલ હોવાના કારણે તેનું મોત નીપજ્યું હતું અને બાઈક ઉપર બેઠેલા તેના કૌટુંબિક ભાઈને ગંભીર ઇજા થયેલ હતી જેથી તેને સારવાર માટે હોસ્પિટલે લઈને આવ્યા હતા અને આ બનાવની ઇજાગ્રસ્તના પિતાએ મૃતક સામે ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે
જાણવા મળતી માહિતી મુજબ મોરબીના નવા ખારચીયા ગામે રહેતા રમેશભાઈ રેવાભાઇ બોપલિયા (50)એ હાલમાં બાઈક નંબર જીજે 10 બીઇ 1750 ના ચાલક મૃતક સાહિલ રમેશભાઈ બોપલિયા (20) રહે નવા ખારચીયા વાળાની સામે ફરિયાદ નોંધાવેલ છે જેમાં જણાવ્યુ છે કે, તેઓના કૌટુંબિક ભાઈ રમેશભાઈ કાનજીભાઈ બોપલિયાનો દીકરો સાહિલ બાઈક લઈને ખારચિયા ગામથી આમરણ ગામે હનુમાન જયંતિ હોવાથી હનુમાનજીના મંદિરે પ્રસાદી કરવાની હોય તે લેવા માટે જતો હતો ત્યારે બાઈકમાં ફરિયાદીનો દીકરો આર્યન (16) પણ તેની સાથે બેઠેલો હતો દરમ્યાન ખારચીયાથી આમરણ ગામ તરફ જવાના રસ્તા ઉપર નેશનલ હાઈવે રોડ ઉપર રોડ સાઈડમાં ટ્રક કન્ટેનર નંબર જીજે 12 એટી 8284 પાર્ક કરીને મૂક્યું હતું જેની પાછળના ભાગમાં ડ્રાઇવર સાઈડમાં સાહિલે પોતાના હવાલા વાળું બાઈક પકડાવ્યું હતું જેથી અકસ્માતનો બનાવ બન્યો હતો અને અકસ્માતના બનાવમાં સાહિલને મોઢા, કાન તથા શરીરે ગંભીર ઇજાઓ થઈ હોવાથી તેનું મોત નીપજયું હતું અને ફરિયાદીના દીકરા આર્યનને મોઢાના ભાગે ફેક્ચર તથા માથામાં હેમરેજ જેવી ઈજા થયેલ હોવાથી તેને સારવારમાં ખસેડાયેલ છે. હાલમાં અકસ્માતના બનાવ સંદર્ભે ઇજાગ્રસ્તના પિતાએ નોંધાવેલ ફરિયાદ આધારે પોલીસે મૃતક યુવાન સામે ગુનો નોંધીને આગળની કાર્યવાહી હાથ ધરી છે
