મોરબી શિશુ મંદિર ખાતે શક્તિ કેન્દ્ર સંયોજકનો અભ્યાસ વર્ગ યોજાયો
Morbi Today
મોરબીની ફેમિલી કોર્ટે ભરણપોષણના કેસમાં પત્ની-બે દીકરીઓને મહિને ૧૨ હજાર ચૂકવવા કર્યો આદેશ
SHARE
JOIN OUR GROUP
મોરબીની ફેમિલી કોર્ટે ભરણપોષણના કેસમાં પત્ની-બે દીકરીઓને મહિને ૧૨ હજાર ચૂકવવા કર્યો આદેશ
મોરબીની ફેમિલી કોર્ટમાં ભરણપોષણની અરજી દાખલ કરેલ હતી. જેમાં અરજદારના વકીલની દલીલ અને જુદીજુદી કોર્ટના ચુકાદાઓને ધ્યાને લઈને કોર્ટે પત્ની તથા બંને બાળકોને દર મહિને ૧૨,૦૦૦ રૂપિયા ચૂકવવાનો આદેશ કર્યો છે.
આ કેસની વિગત એવી છે કે, અરજદારના સામાવાળા સાથે તા.૨૨/૦૨/૨૦૧૪ ના રોજ લગ્ન થયેલ હતા. અને લગ્ન સંસારથી બે પુત્રીનો જન્મ થયેલ હતો અને અરજદારને સામાવાળા તથા તેમના પરિવારના સભ્યો શારિરિક માનસિક દુઃખ–ત્રાસ આપતા હતા અને અરજદારને માર મારી કાઢી મૂકેલ હતા તથા સામાવાળાએ અરજદારનો અકારણ ત્યાગ કરેલ હતો. જે અરજદારે તેના વકીલ શહેનાઝબેન ડી. સુમરા મારફત ફેમિલી કોર્ટ મોરબીમાં ફો.પ.અ. નં. ૨૮૫/૨૦૨૩ થી (સી.આર.પી.સી. – ૧૨૫) બી.એન.એસ.એસ.-૧૪૪ અન્વયે ભરણપોષણની અરજી દાખલ કરેલ હતી. જે અરજી ફેમિલી કોર્ટ મોરબીમાં ચાલી જતા વકીલ શહેનાઝબેન ડી. સુમરાની દલીલોને ધ્યાને લઈ તેમજ હાઈકોર્ટ અને સુપ્રીમ કોર્ટના જજમેન્ટને ધ્યાને લઈને અરજદારની અરજી અંશતઃ મંજૂર કરેલ છે અને અરજદાર પત્નીને મહિને ૫,૦૦૦ અને બંને દીકરીઓને મહિને ૩,૫૦૦-૩,૫૦૦ અરજીની તા. ૧/૧૧/૨૦૨૩થી ચડ્યે ચડ્યા ચૂકવવાનો તેમજ અરજી ખર્ચના ૧,૦૦૦ અલગ થી ચૂકવવાનો હુકમ કરેલ છે. આ કેસમાં અરજદારો તરફે વકીલ શહેનાઝબેન ડી. સુમરા રોકાયેલ હતા.
