વાંકાનેરના મહીકા ગામે રહેતા યુવાન અને તેની માતા સાથે છેતરપીંડી-વિશ્વાસઘાત: એટ્રિસિટિ સહિતની કલમ હેઠળ ગુનો નોંધાયો
SHARE
JOIN OUR GROUP
વાંકાનેરના મહીકા ગામે રહેતા યુવાન અને તેની માતા સાથે છેતરપીંડી-વિશ્વાસઘાત: એટ્રિસિટિ સહિતની કલમ હેઠળ ગુનો નોંધાયો
વાંકાનેર તાલુકાના મહીકા ગામે રહેતા યુવાન અને તેની માતાને જમીન વેચાણ માટેનો સાટાખત કરી આપવામાં આવ્યો હતો જો કે, ત્યારબાદ પાકો દસ્તાવેજ કરી આપવામાં આવ્યો ન હતો જેથી કરીને યુવાન અને તેની માતા સાથે છેતરપીંડી અને વિશ્વાસઘાત કરવામાં આવી છે અને તે યુવાન તેમજ તેના માતાને જ્ઞાતિ પ્રત્યે હડધૂત કર્યા હતા જેથી કરીને વાંકાનેર તાલુકા પોલીસ સ્ટેશન ખાતે ફરિયાદ નોંધાતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ વાંકાનેર તાલુકાના મહીકા ગામે રહેતા અને બાંધકામના કોન્ટ્રાક્ટ રાખવાનું કામ કરતા વિજયકુમાર શીવાભાઈ ચાવડા જાતે અનુ. જાતિ (38)એ વાંકાનેર તાલુકા પોલીસ સ્ટેશન ખાતે ઉસ્માનભાઈ માહમદભાઈ બાદી રહે. મહિકા તાલુકો વાંકાનેર વાળા સામે ફરિયાદ નોંધાવેલ છે જેમાં તેને જણાવ્યુ છે કે, આરોપીએ પોતાની માલિકીની મહિકા ગામે આવેલ સર્વે નંબર 211 પૈકી 1 વાળી જમીન વેચાણ માટેનો સાટાખત ફરિયાદીના માતા ચંપાબેન શીવાભાઈના નામે કરી આપ્યો હતો તેમજ ફરિયાદી યુવાને આરોપીને પાકો દસ્તાવેજ કરી આપવા માટે કહેવા છતાં જમીન વેચાણનો પાકો દસ્તાવેજ તેને કરી આપ્યો ન હતો અને ફરિયાદી યુવાન તથા તેની માતા ચંપાબેન સાથે છેતરપિંડી અને વિશ્વાસઘાત કરેલ છે. તથા દસ્તાવેજ કરવા બાબતે કહેતા ફરિયાદી યુવાન તથા તેની માતાને જ્ઞાતિ પ્રત્યે હડધૂત કર્યા હતા જેથી કરીને હાલમાં ભોગ બનેલ યુવાને નોંધાવેલ ફરિયાદ આધારે પોલીસે આઈપીસીની કલમ 406, 420 તથા એટ્રોસિટી એક્ટની કલમ 3 (1) (આર) મુજબ ગુનો નોંધીને આરોપીને પકડવા માટે તજવીજ હાથ ધરી છે.
