મોરબીમાં યુવાન બસ સ્ટેશન પાસે બાઈક મૂકીને ગુમ
SHARE
JOIN OUR GROUP
મોરબીમાં યુવાન બસ સ્ટેશન પાસે બાઈક મૂકીને ગુમ
મોરબીના જુના બસ સ્ટેશન પાસે પોતાનું બાઈક મૂકીને એક યુવાન ગુમ થઈ ગયો હોય અને તે બાબતે યુવાનના પિતા દ્વારા પોલીસમાં જાણ કરવામાં આવતા પોલીસે નોંધ કરીને આગળની તપાસ શરૂ કરી છે.
મોરબી સીટી એ ડિવિઝન પોલીસ સૂત્રોના જણાવ્યા પ્રમાણે પીપળીયા ગામે રહેતા કમલેશભાઈ ગણેશભાઈ ઠોરીયા નામના વ્યક્તિ દ્વારા પોલીસ મથક ખાતે ગુમનોંધ દાખલ કરાવવામાં આવી હતી.તેમાં તેઓએ જણાવ્યું હતું કે તેમનો દીકરો ધાર્મિક કમલેશભાઈ ઠોરીયા (ઉંમર ૨૧) રહે.હાલ સંકલ્પ હાઈટ કામધેનુ સામે પંચાસર રોડ વાળો કામ ઉપર જવાનું કહીને ગત તા.૧૦-૯ ના રોજ સવારે દસ વાગે નીકળ્યો હતો અને મોરબીના જુના બસ સ્ટેશનની બાજુમાં તેનું બાઈક મૂકીને તે ક્યાંક ચાલ્યો ગયો હોય અને છેલ્લા એક-દોઢ માસથી તપાસ કરવા છતાં પણ તેનો ક્યાંથી પતો લાગ્યો નથી.હાલ પોલીસ દ્વારા ગુમસુધા નોંધ દાખલ કરવામાં આવી છે અને ગુમ થયેલા યુવાનને શોધવા માટે એ ડીવીસન પોલીસ મથકના એ.એમ.જાપડીયા દ્વારા આગળની તપાસ શરૂ કરાઇ છે.
મારામારીમાં ઈજા
મોરબીના પીપળી રોડ ઉપર રેંજ સિરામિક પાસે મારામારીના બનાવમાં ઈજા થતા અભયભાઈ સોની નામના ૨૫ વર્ષના યુવાનને ઇજાઓ પહોંચી હતી.જ્યારે મોરબીના જીવાપર ગામના દેવેન્દ્રભાઈ રમેશભાઈ કણજારીયા નામના ૨૪ વર્ષના યુવાને કોઈ અગમ્ય કારણોસર નવા આમરણ ગામ પાસે દવા પી લેતા તેને સારવાર માટે મોરબી ખસેડાયો હતો.તેમ પોલીસ સૂત્રોએ જણાવેલ છે.તેમજ મોરબીના ઉટબેટ (સામપર) ગામે રહેતા નવાઝ રફિકભાઈ બુચડ નામના ૧૬ વર્ષના સગીરને આમરણ ગામ પાસે પેટ્રોલ પંપ નજીક બાઇક સ્લીપ થવાના બનાવમાં ઇજાઓ થતા સારવાર માટે લવાયો હતો.
વૃદ્ધ સારવારમાં
મોરબીની મદીના સોસાયટીમાં રહેતા જુમાભાઈ કાસમભાઈ નામના ૭૮ વર્ષના વૃદ્ધ બાઈકમાં બેસીને જતા હતા ત્યારે ખરાબ રોડના લીધે બાઈકમાંથી પડી જતા ઈજાગ્રસ્ત હાલતમાં શિવમ હોસ્પિટલે સારવાર માટે લઈ જવાયા હતા.જ્યારે મોરબીના સામાકાંઠે ગુજરાત હાઉસિંગ બોર્ડ પાસે થયેલ મારામારીના બનાવમાં જગદીશ ધીરુભાઈ બારોટ (૨૬) રહે.ભાગ્યલક્ષ્મી સોસાયટીને ઇજાઓ પહોંચી હતી.
