મોરબીમાં પીજીવીસીએલ આયોજિત વિમેન્સ ક્રિકેટ ટુર્નામેન્ટમાં આજે અમરેલી-મોરબી વર્તુળ કચેરી વચ્ચે ફાઇનલ મુકાબલો
SHARE
JOIN OUR GROUP
મોરબીમાં પીજીવીસીએલ આયોજિત વિમેન્સ ક્રિકેટ ટુર્નામેન્ટમાં આજે અમરેલી-મોરબી વર્તુળ કચેરી વચ્ચે ફાઇનલ મુકાબલો
મોરબી પશ્ચિમ ગુજરાત વીજ કંપની લીમીટેડ વર્તુળ કચેરીના યજમાનપદ હેઠળ આંતર વર્તુળ મહિલા ક્રિકેટ ટુર્નામેન્ટનું આયોજન કરવામાં આવ્યું છે અને મોરબીના નાની વાવડી ગામ પાસે આવેલ સરદાર પટેલ ક્રિકેટ સ્ટેડીયમમાં આ ક્રિકેટ ટુર્નામેન્ટ રાખવામા આવી છે જેનો આજે સાંજે સમાપન્ન સમારોહ રાખવામા આવેલ છે.
જે ક્રિકેટ ટુર્નામેન્ટનું આયોજન કરવામાં આવ્યું છે તેમાં પહેલા દિવસે કુલ ત્રણ મેચ યોજવામાં આવેલ હતા જેમાં અમરેલી, મોરબી અને અંજાર વર્તુળ કયેરી વિજેતા બનેલ છે જયારે બીજા દિવસે ત્રણ મેચ હતા ભુજ વર્તુળ કચેરી ૨૧ રનથી, અમરેલી વર્તુળ કચેરી ૯ વિકેટથી અને મોરબી વર્તુળ કચેરી ૭૫ રનથી વિજેતા બની હતી. અને આ ત્રણ મેચમાં ખુશાલી ગોર, ટી.એચ.વિંઝુડા અને નેહલબેન જોશીને બેસ્ટ પ્લેયર ઓફ ધ મેચનો પુરસ્કાર નિગમિત કચેરીના અધિકારી તેમજ મોરબીના અધિક્ષક ઈજનેરના હસ્તે આપવામાં આવ્યા હતા તેમજ રનર્સઅપ ટીમોનું સર્ટીફીકેટ આપીને સન્માન કરવામાં આવ્યું હતું. પશ્ચિમ ગુજરાત વીજ કંપની લીમીટેડની બે ફાયનાલીસ્ટ ટીમ અમરેલી અને મોરબી વર્તુળ કચેરી વચ્ચે આજે ફાઇનલ મેચ યોજાવાની છે અને ત્યારે કલેકટર કે.બી. ઝવેરી તેમજ પીજીવીસીએલના મેનેજીંગ ડીરેક્ટર શ્રીમતી પ્રીતિ શર્મા હાજર રહેવાના છે અને તેઓના હસ્તે વિજેતા ટીમનું સન્માન કરવામાં આવશે અને આજે સાંજે આ ક્રિકેટ ટુર્નામેન્ટનો સમાપન્ન સમારોહ પણ યોજાશે.
