મોરબીમાં જલારામ જયંતિએ યંગ ઇન્ડિયા ગ્રુપ દ્વારા જરૂરિયાતમંદો લોકોને ભોજન કરાવાયુ મોરબી ત્રાજપર ચોકડી પાસે બાઈકને બસ ચાલકે હડફેટે લેતા ઈજાગ્રસ્ત યુવાન રાજકોટ ખસેડાયો મોરબી જલારામ ધામ ખાતે જલારામ બાપાની 227 મી જન્મજયંતિએ કેક કટીંગ સહિતના વિવિધ કાર્યક્રમ યોજાયા મોરબીમાં સાંસદ રાજેશભાઈ ચુડાસમાની હાજરીમાં ભગવાન બિરસા મુંડાજીની ૧૫૧ મી જન્મજયંતિ નિમિત્તે જનજાતિય ગૌરવ દિવસની ઉજવણી કરાઈ મોરબીના મહેન્દ્રનગર ગામે આવેલ રામધન આશ્રમમાં છઠ્ઠ પૂજાની ઉજવણી કરાઇ મોરબીના ટીંબડી ગામ નજીક બે રીક્ષા અથડાતા પાંચ ઈજાગ્રસ્તો સારવારમાં હૈયું હચમચાવી નાખે તેવો વિડીયો: ટંકારા પાસે કારે 8 થી 10 પલટી મારતા કારમાં બેઠેક 2 યુવાન 15 ફૂંટ ઊંચા ઉડીને બાહર ફેંકાયા, વિડીયો થયો વાયરલ વાંકાનેરમાં ઘરના બાથરૂમમાં પડી જવાથી વૃદ્ધનું મોત: હળવદના જુના વેગડવાવ ગામે મંદિરના મકાનમાં ગળાફાંસો ખાઈને આધેડે કર્યો આપઘાત
Breaking news
Morbi Today

ચકચારી કેસમાં આકરો ચુકાદો: મોરબીમાંથી સગીરાનું અપહરણ-દુષ્કર્મના ગુનામાં આરોપીના આજીવન સખત કેદની સજા, 35 હજારનો દંડ


SHARE



































મોરબીમાંથી સગીરાનું અપહરણ-દુષ્કર્મના ગુનામાં આરોપીના આજીવન સખત કેદની સજા, 35 હજારનો દંડ

મોરબીમાંથી વર્ષ 2023 માં સગીરાનું અપહરણ કરવામાં આવ્યું હતું અને તેની સાથે દુષ્કર્મ આચારવામાં આવ્યું હતું જેથી મોરબી એ ડિવિઝન પોલીસ સ્ટેશન ખાતે ગુનો નોંધાયો હતો અને આ ગુનામાં પોલીસે આરોપીની ધરપકડ કરી હતી જે કેસ મોરબીની સ્પેશિયલ પોકસો કોર્ટમાં ચાલી ગયો હતો જેમાં મદદનીસ સરકારી વકીલ દ્વારા કરવામાં આવેલ દલીલો તથા રજૂ કરવામાં આવેલ જુદી જુદી કોર્ટના ચુકાદાઓને ધ્યાને લઈને ન્યાયધીશ દ્વારા આરોપીને આજીવન સખત કેદની સજા તથા જુદીજુદી કલમ હેઠળ કુલ મળીને 35,000 નો દંડ કરવામાં આવ્યો છે.

મોરબીમાં રહેતા પરિવારની સગીર વયની દીકરીનું તા 9/10/2023 ના રોજ લલચાવી ફોસલાવીને પ્રેમજાળમાં ફસાવીને અપહરણ કરવામાં આવ્યું હતું જેથી સગીરાના પરિવાર દ્વારા મોરબી એ ડિવિઝન પોલીસ સ્ટેશન ખાતે ભારતીય દંડ સંહિતાની કલમ 363, 366, 373 (1) તથા જાતીય ગુનાઓની બાળકોના રક્ષણ બાબતની અધિનિયમની 2012 ની કલમ 3 (એ), 4 મુજબ ગુનો નોંધવામાં આવેલ હતો અને આ કેસની મળેલી વિગત મુજબ વર્ષ 2023 માં સગીરાનુ લલચાવી ફોસલાવી અને પ્રેમજાળમાં ફસાવીને અપહરણ કરવામાં આવ્યું હતું ત્યારબાદ તેને મોરબીથી વાંકાનેર, રાજકોટ, અમદાવાદ, મુંબઈ સુધી ટ્રેનમાં લઈ જઈને તથા અમદાવાદથી રાજકોટ પરત ટ્રાવેલ્સની બસમાં આવતા સમયે સગીરા સાથે દુષ્કર્મ આચારવામાં આવ્યું હતું જે ફરિયાદના આધારે પોલીસે આરોપી સાહિલ ઇલિયાસભાઈ કટીયાની તા. 13-10-2023 ના રોજ ધરપકડ કરી હતી.

આ કેસ મોરબીની સ્પેશિયલ પોકસો કોર્ટ અને અધિક સેશન્સ જજ સાહેબની ફાસ્ટ ટ્રેક સ્પેશિયલ કોર્ટ સમક્ષ ચાલી ગયો હતો જેમાં મદદનીસ સરકારી વકીલ એન.ડી. કારીઆ દ્વારા કરવામાં આવેલ દલીલો તથા રજૂ કરવામાં આવેલા મૌખિક અને દસ્તાવેજી પુરાવાઓને ધ્યાને લઈને મોરબીની સ્પેશિયલ પોકસો કોર્ટ અને અધિક સેશન્સ જજ કે.આર. પંડ્યા સાહેબ દ્વારા આરોપી સાહિલભાઈ ઇલિયાસભાઈ કટિયા (21) રહે. રોહીદાસ પરા મેઇન રોડ ચાર ગોદામ પાસે વીસીપરા મોરબી વાળાને આજીવન સખત કેદની સજા અને જુદીજુદી કલમ હેઠળ 35,000 નો દંડ ફટકાર્યો છે તેમજ ભોગ બનનારને વળતર માટેની યોજના હેઠળ અપીલ પિરિયડ બાદ 4 લાખ રૂપિયા તથા આરોપી દ્વારા દંડની રકમ ભરવામાં આવે તો તે 35,000 મળીને કુલ 4.35 લાખ રૂપિયા વળતર આપવા માટેનો કોર્ટ દ્વારા હુકમ કરવામાં આવેલ છે.


















Latest News