વાંકાનેરના વીશીપરામાં ગાળો બોલવાની ના કહેનારા યુવાનને બે શખ્સોએ માર માર્યો

વાંકાનેરના વીશીપરા પ્રાથમીક શાળા પાસે  આવેલ રામાપીરના મંદીર પાસે ઉભેલ યુવાને અગાઉ ગાળો બોલવાની ના કહી હતી જે બાબતનો ખાર રાખીને બે શ્ખ્સોએ ધોકા વડે તેને માર માર્યો હતો જેથી કરીને ભોગ બનેલા યુવાને વાંકાનેર સિટી પોલીસ સ્ટેશને ફરિયાદ નોંધાવતાં પોલીસે ગુનો નોંધીને બંને આરોપીને પકડવા માટે ચક્રોગતિમાન કરેલ છ

વાંકાનેરના વીશીપરા પ્રાથમીક શાળા પાસે રહેતા અર્જુનભાઇ દિનેશભાઇ ગણોદીયા જાતે.કોળી (ઉ.વ.૨૨) એ હાલમાં શંકર હકાભાઇ જીંજવાડીયા અને સંજય નાગજી જીંજવાડીયા રહે. બન્ને વાંકાનેર વીશીપરા વાળાની સામે માર માર્યો હોવાની ફરિયાદ નોંધાવી છે જેમાં તેને જણાવ્યુ છે કે, વીશીપરા રામજીમંદીર પાસે રોડ ઉપર તેને આરોપી શંકર સાથે ગઈ તા.૨૩/૦૮ ના રોજ ગાળો બોલવા બાબતે સામાન્ય બોલાચાલી થયેલ હતી જેનો ખાર રાખી ગઇકાલે પોણા બારેક વાગ્યે તે રામાપીરના મંદીર પાસે ઉભેલ હતો ત્યારે આરોપીઓએ આવીને ગાળો આપી હતી અને શંકરે માથામાં કપાળના ભાગે ધોકા વતી એક ઘા મારી ફુટ જેવી ઇજા કરી હતી તેમજ આરોપી સંજયે ધોકા વતી શરીરે આડેધડ મારમારી મુંઢ ઇજા કરી હતી અને જાનથી મારી નાખવાની ધમકી આપી હતી જેથી કરીને પોલીસે ભોગ બનેલા યુવાનની ફરિયાદ લઈને ઇ.પી.કો કલમ-૩૨૩, ૫૦૪, ૫૦૬(૨), ૧૧૪ તથા જી.પી.એક્ટ કલમ ૧૩૫ મુજબ ગુનો નોંધીને આરોપીને પકડવા માટે તજવીજ શરૂ કરી છે